Llagu Saimaa

El llagu Saimaa ye'l mayor llagu de Finlandia y el quintu d'Europa, con una superficie de 4.377 km². Ta allugáu na parte sureste del país y nes sos veres hai delles ciudaes notables, como Lappeenranta, Imatra, Savonlinna y Mikkeli. El llagu desagua principalmente al traviés del ríu Vuoksi, que desembcoa nel llagu Ladoga, anguaño asitiáu dafechu en Rusia.

Llagu Saimaa
Saimaa (fi)
Situación
País	Finlandia
Axencia alministrativa	Regional State Administrative Agency for Eastern Finland (en)
Rexones	Savonia del Norte
Tipu	llagu
Coordenaes	61°15′N 28°15′E
Llagu Saimaa Llagu Saimaa (Finlandia)
Datos
Altitú media	75,7 m
Superficie	4400 km²
Conca hidrográfica	Vuoksi basin (en) y Kalajoki basin (en)
Superficie de la conca	69 500 km²
Fondura	82 m

La mayor parte del llagu ta chiscáu d'islles y estreches canales qu'estremen el llagu en munches partes, caúna col so propiu nome, siendo en realidá casi un complexu de llagos, siendo les partes o cuenques más importantes, el mesmu Saimaa (1377 km²), Suur-Saimaa, Orivesi (601 km²), Puruvesi (421 km²), Haukivesi (620 km²), Yövesi, Pihlajavesi (713 km²), Pyhäselkä (361 km²) y Enonvesi (196 km²).

La canal de Saimaa coneuta'l llagu col golfu de Finlandia, diendo dende Lappeenranta a Vyborg. Otres canales conecten Saimaa colos pequeños llagos del este de Finlandia y formar una complexa rede de víes navegables que s'utilicen principalmente pal tresporte de madera, minerales, metales, magaya y otres cargues, anque tamién en viaxes turistísticos.

Nesti llagu viven el salmón del llagu Saimaa y una de les foques más rares d'agua duce, dambes en peligru d'estinción, la foca anillada de Saimaa. Tamién llamada Norppa del llagu Saimaa.

Galería

• 
  Hietasaari
• 
  Llagu Saimaa nes proximidaes de Savonlinna
• 
• 
• 
• 
• 
• 
• 

Referencies

• Wikimedia Commons acueye conteníu multimedia sobre Llagu Saimaa.

• Datos: Q192770
• Multimedia: Saimaa