Llanza
La llanza[1] o llancia[2] ye un arma compuesta d'un asta (palu-vara de madera o metal) que nel cabu tien fixa una fueya afilada o puntiada. Foi una de les armes primeres del home na prehistoria, y demientres tolos milenios de la Historia acompañó a los guerreros de toles dómines y fasteres.
| Llanza | |
|---|---|
clase funcional de armas (es)  | |
|
arma de asta (es) y equipamiento deportivo (es) | |
 | |
 |
D'elles dicíen grandes guerreros y militares que "yeren l'arma reina de les batalles", penriba de toles demás, pues dau'l so baxu coste de fabricación, la so facilidá d'usu a pie o a caballu, el so algame (dalgunes podíen arrefundise) y la potencia d'espetu o golpada, por mor del llargu "brazu mecánicu" que ye un asta, facíenla un arma perbona.
Antiguos tipos de llanza
editar- Alabarda: Mangada con un "petu" (pinchu o púa) na parte cimera de la "cabeza d'armes", con una fueya en forma o variantes d'un hachu nun estremu tresversal, y nel so llau opuestu otru pequeñu "petu" o filu afiláu y estrechu.
- Azagaya: Arma llanzable llixera de la época paleolítica cola punta fecha con un cachu aguzáu d'asta de cérvidu.
- Bidente: Mangada con una cuchiella en forma de media lluna.
- Bisarma: (Del fr. Guisarme), llanza de punta mesta compuesta por una parte cortante y otra puntiada.
- Bisentu: Llanza xaponesa que correspuende a la china kwan-do, l'antecesora de la Naginata.
- Chuzu: Llanza curtia de punta arredondiada y estrecha.
- Corcesca: Llanza variante de la partesana con aletes en forma de farpón.
- Cuchiellu de brecha: Forma más primitiva de fueya mangada d'un solu filu y estrechu.
- Dardu: Nómense asina les llances curties llanzables como xavalines.
- Espontón: Arma mangada de la familia de les partesanes de la oficialidá de los sieglos XVI y XVII.
- Estradiota: De 3 m, usada polos estradiotes.
- Falarica: De madera, cola punta metálica. Llanzábase prendida.
- Forchina o Forqueta: Forca militar derivada de les ferramientes de llabranza fecha dende una punta de partesana.
- Guya o Archa: Mangada con cuchiella ancha, en forma d'espada curva o gran cuchiellu de hasta 60 cm de llargor.
- Xavalina: Llanza d'arrefundir por escelencia.
- Kontos: Llanza llarga de caballería d'unos 3 o 4 metros de llonxitú desendolcada polos sármatas, un pueblu nómada de les estepes ruses.
- Llanzón: Llanza curtia de punta ancha y fuerte.
- Media pica: Variante menor de la pica, punta llanceolada, con asta del altor d'un home altu. Nómase tamién "Llanza d'armes".
- Partesana: Llanza llarga de punta ancha de doble filu y con aletines llaterales.
- Pica: Llanza perllarga pa formaciones militares con asta que mide más de 4 m de norma, llegando inclusive a midir 6 metros.
- Roncona: Variante de la Corcesca con "punta" inda más llarga y estrecha que la partesana y aletes curviaes como garfios.
- Sarisa: Pica de la falanxe macedonia.
Referencies
editar- ↑ Esti términu apaez nel Diccionariu de l'Academia de la Llingua Asturiana. Ver: llanza
- ↑ Esti términu apaez nel Diccionariu de l'Academia de la Llingua Asturiana. Ver: llancia
