Llingua común

En tipoloxía llingüística, recibe'l nome de llingua común l'idioma real o supuestu del que remanez un tueru llingüísticu o familia d'idiomes. Nel casu de les llingües romániques, nes que s'inclúi l'asturianu, la llingua común ye'l llatín.

Supónse tamién la esistencia d'una llingua común indoeuropea y céltica.

Coles mesmes, dende'l puntu de vista de les ideoloxíes llingüístiques y de la glotopolítica, entiéndese por llingua común aquella llingua que desempeña o pretende desempeñar un papel cohexonador y vertebrador d'una sociedá plurillingüe, que por esta razón tien un estatus políticu y xurídicu superior al del restu de les llingües coles que convive, y que representa o pretende representar una identidá común a les identidaes grupales subordinaes. Nun territoriu determináu, el papel de "llingua común" puede exercelu bien una llingua orixinaria de dichu territoriu, bien una procecente d'otros llugares; y puede adquirir esi papel como resultáu bien d'un procesu democráticu, bien d'un procesu impositivu (nesti casu, davezu nel marcu d'un procesu de xunificación política y homoxeneización cultural).

Fontes

Lázaro Carreter, Fernando (1980). Diccionariu de términos filolóxicos. Madrid: Gredos, páx. 103. ISBN 8424911113.
Vázquez Villanueva, Graciana (2011). Curtiu diccionariu de sociollingüística gallega: Ideoloxíes llingüístiques y llingües minorizaes. Buenos Aires: Fundación Xeito Novo.

Referencies

Enllaces esternos

J. C. Moreno: «Bilingüismo y lengua común», en V Xornadas de Lingua y Usos. Lingua y Docencia Universitaria, Universidade da Coruña, 28 de payares de 2008. (enllaz rotu disponible n'Internet Archive; ver l'historial y la última versión).