Luciu Variu Rufu

poeta romanu

Luciu Variu Rufu, poeta romanu, amigu de Virxiliu y Horaciu, qu'almiraben la so poesía y considerábenlu un poeta épicu destacáu ente los de la so dómina.

Luciu Variu RufuPicto infobox auteur.png
Vida
Nacimientu Turbigo (es) Traducir74 edC
Nacionalidá Antigua Roma
Muerte

14 edC

(59/60 años)
Estudios
Llingües falaes llatín
Oficiu escritor, dramaturgupoeta
Cambiar los datos en Wikidata

Foi la personalidá más relevante del círculu de Mecenes y autor d'una traxedia sobre la hestoria de Tiestes, Thyestes, representada nel añu 29 e.C. nos xuegos en celebración de la victoria d'Octaviu n'Accio, que-y reportó un millón de sestercios del vencedor y que Quintilianu consideró equiparable a cualquier traxedia griega.

Horaciu méntalu na so oda I, 6 llamándolu Maeonii carminis alite, águila del cantar meoniu, esto ye, en referencia a Homeru por ser tamién poeta épicu. De la so epopeya nada se caltuvo, sacante'l títulu, Carmen epicum de actis Caesaris et Agrippae, qu'otros llamen De morte. Lleváu de la so amistá escontra Virxiliu, cuando ésti morrió revisó y espublizó, xuntu con Plotiu Tuca, la so Eneida, a pesar de que'l poeta fináu deseyara destruyila, y con esti actu soterró la fama de la so propia epopeya, que, según los sos contemporáneos, yera tamién memorable. Puede lleese un fragmentu d'ésta en Macrobiu (Saturn., VI, 1.29-40 y 2.19-20).

FonteEditar

  • Ernst Bickel, Historia de la lliteratura romana, Madrid: Gredos, 1987.