Luis García Montero
Luis García Montero (4 d'avientu de 1958, Granada) ye un poeta y críticu lliterariu español, ensayista, catedráticu de Lliteratura Española na Universidá de Granada.[7] Pertenez a la xeneración de los ochenta o postnovísimos dientro de la corriente denominada poesía de la esperiencia. Dende 2018 ye direutor del Institutu Cervantes.
Luis García Montero | |||
|---|---|---|---|
.jpg) | |||
2018 - ← Juan Manuel Bonet | |||
| Vida | |||
| Nacimientu | Granada, 4 d'avientu de 1958 (66 años) | ||
| Nacionalidá |
 España [1] | ||
| Llingua materna | castellanu | ||
| Familia | |||
| Casáu con | Almudena Grandes (1996 – m. 2021)[2] | ||
| Estudios | |||
| Estudios | Facultá de Filosofía y Lletres de la Universidá de Granada | ||
| Nivel d'estudios | lliteratura española | ||
| Direutor de tesis de | Juan Carlos Abril | ||
| Llingües falaes |
vietnamín[3] castellanu[4] | ||
| Alumnu de | Juan Carlos Rodríguez Gómez | ||
| Oficiu | poeta, profesor universitariu, escritor, críticu lliterariu | ||
| Emplegadores |
Universidá de Granada Institutu Cervantes | ||
| Premios |
ver
| ||
| Miembru de |
Academia de Buenas Letras de Granada (es)  | ||
| Movimientu |
La otra sentimentalidad (es) | ||
| Xéneru artísticu |
poesía ensayu | ||
| luisgarciamontero.com | |||
 | |||
 | |||
Biografía
editarLuis García Montero nació en Granada en 1958. Cursó estudios nel colexu de los Escolapios y más tarde Filosofía y Lletres na Universidá de Granada, onde foi alumnu de Juan Carlos Rodríguez Gómez, teóricu de la lliteratura social. Llicencióse en 1980 y doctoróse en 1985 con una tesis sobro Rafael Alberti, La norma y los estilos na poesía de Rafael Alberti. Caltuvo una gran amistá col mentáu poeta del 27, que la so edición de la so Poesía completa preparó.
Empezó a trabayar como profesor acomuñáu na Universidá de Granada en 1981. Recibió'l Premiu Adonáis en 1982 por El jardín extranjero. Realizó la so memoria de llicenciatura en 1984 sobro El teatro medieval. Polémica de una inexistencia.
Venceyose al grupu poéticu de "la otra sentimentalidad", corriente que na poesía española contemporánea toma'l nome del so primer llibru en xunto, publicáu en 1983, y na que tamién participaron los poetes Javier Exea y Álvaro Salvador. La poética del grupu queda reflexada sobremanera nesi curtiu llibru y en menor midida nel opúsculo Manifiestu albertista (1982) de Luis García Montero y Javier Exea. La so trayectoria personal foise ampliando no que se foi conociendo más tarde como "poesía de la esperiencia".
Editó les Rimas de Gustavo Adolfo Bécquer, ente otros trabayos teóricos. En 2002 foi escoyíu académicu de l'Academia de Bones Lletres de Granada. Tamién cultivó l'ensayu y ye columnista d'opinión. Ente los galardones poéticos que llogró destaquen el Premiu Federico García Lorca, el Premiu Loewe, el Premiu Adonáis de poesía y el Premiu Nacional de Poesía col que foi galardonáu en 1995, y el Premiu Nacional de la Crítica nel 2003. Nel añu 2010 concedióse-y en México'l Premiu Poetes del Mundu Llatín pola so trayectoria.
Dende bien nuevu militó nel PCE y dende la so fundación n'Izquierda Xunida. Nes Elecciones europees de 2004 presentose na llista de la mentada coalición. De cara a les elecciones xenerales de 2011 manifestó'l so sofitu a la candidatura d'Izquierda Xunida. N'ochobre de 2012 anuncióse que pasaba a ocupar un cargu clave n'Esquierda Abierta, un nuevu partíu lideráu por Gaspar Llamazares y Montse Muñoz que s'atopa integráu n'Izquierda Xunida.
Para les elecciones de 2015, Izquierda Xunida designó-y como'l so candidatu para la presidencia de la Comunidá de Madrid, pero la so campaña fracasa y la formación pierde les sos 13 diputaos nel parlamentu autonómicu.[8]
En marzu de 2016 estrenóse nel Festival de Cine Español de Málaga la película documental Aunque tú no lo sepas. La poesía de Luis García Montero, producción de Charlie Arnaiz y Alberto Ortega na que participaron TVE y Canal Sur. Trátase d'un acercamientu a la so vida y la so obra al traviés de personalidaes como los músicos Joaquín Sabina, Joan Manuel Serrat, Miguel Ríos, Quique González, Ismael Serrano y Nach, los escritores Almudena Grandes, Felipe Benítez Reyes y Benjamín Prau, la periodista Àngels Barceló o l'actor Juan Diego Botto, ente otres munches.
Dende 1994 hasta 2021 compartió la so vida cola escritora Almudena Grandes. Enviudó en 2021. Tien trés fíos.
Aprobáu'l 20 de xunetu de 2018 pol Conseyu de Ministros el so nomamientu como direutor del Institutu Cervantes, tomó posesión del cargu'l 1 d'agostu.
Obra
editarLa «poesía de la esperiencia» caracterízase pol enclín xeneral a esleir el yo más personal na esperiencia colectiva, alloñándose de la individualidá estilística y temática de los novísimos autores anteriores; García Montero y el so grupu, sicasí, trataron de rellacionase cola tradición poética anterior acoyéndose a los postulaos de Luis Cernuda y Jaime Gil de Biedma y trataron de xunir la estética d'Antonio Machado y el pensamientu de la xeneración del 50, según el Surrealismu y les imáxenes atanantes de los poetes del Barrocu español o de Juan Ramón Jiménez.
La característica más destacable de Luis García Montero ye'l narrativismo históricu-biográficu de los sos poemes, d'una estructura casi teatral o novelística con un personaxe o protagonista que cunta o vive la so hestoria al traviés de la memoria, de l'alcordanza o del deséu. La so poesía caracterízase por un llinguaxe coloquial y pola reflexón a partir d'acontecimientos o situaciones cotidianes.
- Poemarios orixinales
- Y ahora ya eres dueño del Puente de Brooklyn, Granada, Universidá (colección Zumaia), 1980, Premiu Federico García Lorca.
- El jardín extranjero, Madrid, Rialp, 1983, Premiu Adonáis; ... Poemes de Tristia, Madrid, Hiperión, 1989.
- Rimado de ciudad, Conceyu de Granada, 1983.
- Égloga de dos rascacielos, Granada, Romper el Cercu, 1984; 2ª ed.: Madrid, Hiperión, 1989.
- En pie de paz, Granada, Ediciones del Comité de Solidaridad con Centroamérica, 1985.
- Diario cómplice, Madrid, Hiperión, 1987.
- Las flores del frío, Madrid, Hiperión, 1990.
- Habitaciones separadas, Madrid, Visor, 1994, Premios Loewe y Nacional de Lliteratura.
- Quedarse sin ciudad, Palma de Mallorca, Monograma, 1994.
- Completamente viernes, Barcelona, Tusquets, 1998.
- La intimidad de la serpiente, Barcelona, Tusquets, 2003, Premiu Nacional de la Crítica.
- Vista cansada, Madrid, Visor, 2008.
- Un ivierno propio, Madrid, Visor, 2011.
- A puerta cerrada Madrid, Visor, 2017.
Premios
editar- 1982 - Premiu Adonáis de Poesía por El jardín extranjero.
- 1994 - Premiu Loewe per Habitaciones separadas.
- 1995 - Premiu Nacional de Poesía por Habitaciones separadas.
- 2002 - Medaya d'Andalucía
- 2003 - Premiu Nacional de la Crítica por La intimidad de la serpiente.
- 2008 - Premiu Federico García Lorca
- 2009 - Premiu Andalucía de la Crítica por Vista cansada.
- 2010 - Premiu Poetes del Mundu Llatín pola so trayectoria.[7]
- 2017 - Fíu Predilectu d'Andalucía
- 2017 - Premio Ramón López Velarde
Referencies
editar- ↑ Afirmao en: LIBRIS. Identificador de Libris: khw03zf31h2w6c4. Data d'espublización: 7 payares 2012. Data de consulta: 24 agostu 2018. Editorial: Biblioteca Nacional de Suecia.
- ↑ Identificador de persona en The Peerage: EFE Agencia EFE. Data de consulta: 1r avientu 2021.
- ↑ Afirmao en: autoridaes BNF. Identificador BnF: 12068165g. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.
- ↑ Afirmao en: catálogu de la Biblioteca Nacional Checa. Identificador NKCR AUT: pna2015891075. Data de consulta: 1r marzu 2022.
- ↑ «Premio Internacional de Poesía Fundación Loewe».
- ↑ «El poeta y ensayista español Luis García Montero ganó el Premio Carlos Fuentes» (castellanu) (22 xunu 2024). Consultáu'l 23 xunu 2024.
- ↑ 7,0 7,1 Biografía: Luis García Montero, sitiu dixital Penguin Books.
- ↑ «Resultados Electorales de la Comunidad de Madrid».
Enllaces esternos
editar
Wikimedia Commons acueye conteníu multimedia sobre Luis García Montero.- Luis García Montero en Twitter
Datos: Q724068- Multimedia: Luis García Montero
Cites famoses: Luis García Montero
