Luis de Borbón-Soissons

Luis de Borbón-Soissons
Vida
Nacimientu	París, 1 de mayu de 1604
Nacionalidá	Francia
Muerte	batalla de La Marfée (es) , 6 de xunetu de 1641 (37 años)
Familia
Padre	Carlos de Borbón-Soissons
Madre	Anne de Montafié, Countess of Clermont-en-Beauvaisis
Pareyes	Elisabeth des Hayes (en)
Fíos/es	Luis Enrique de Borbón-Soissons (es)
Hermanos/es	María de Borbón-Soissons; Luisa de Borbón-Soissons (es)
Pueblu	Casa de Borbón
Estudios
Llingües falaes	francés
Oficiu	militar
Premios	ver Caballeru de la Orde del Espíritu Santu ; Caballeru de la Orde de San Miguel ;

Lluis de Borbón-Soissons (1 de mayu de 1604, París – 6 de xunetu de 1641, batalla de La Marfée ^(es) ), foi conde de Soissons y príncipe de Francia. Lluis yera fíu de Carlos de Borbón, conde de Soissons y d'Ana de Montafia, Señora de Lucé. Foi primu segundu de Lluis XIII de Francia.

Biografía

Nacíu en París, foi nomáu gobernador del Delfinado en 1612, cargu heredáu a la muerte del so padre, y darréu de la provincia de Champaña (1631). Alredor de 1612, foi nomáu Gran Maître de Francia, el xefe de la casa real.

Llevó a cabu una combalechadura col so primu Gastón d'Orleans, (futuru maríu de la duquesa de Montpensier y hermanu menor de Lluis XIII), y Claudio de Bourdeille, conde de Montrésor, col enfotu de asesinar al Cardenal Richelieu y deponer al rei, pero la intriga resultó fallíu (1636). La madre del rei, María de Médicis, tratara asina en numberoses ocasiones d'esaniciar al Cardenal y deponer al rei en favor del so fíu menor Gastón. Por ello, foi puesta so arrestu domiciliariu pa tola vida.

Abellugándose en Sedán con Federicu de La Tour d'Auvergne, duque de Bouillon (príncipe del principáu independiente de Sedán), conspiró de nuevu contra Richelieu, al empar que'l duque de Bouillon llograba'l sofitu militar d'España. Un exércitu real francés al mandu de Gaspar de Coligny, Mariscal de Châtillon, foi unviáu a Sedán, pero Coligny foi ganáu na Batalla de La Marfée pela rodiada de Sedán, el 6 de xunetu de 1641. El conde de Soissons, sicasí, foi asesináu dempués de la batalla. Según delles fontes, el conde morrió por accidente mientres llevanta la visera del so cascu con una pistola cargada, pegándose un tiru na cabeza.

Foi soterráu na tumba familiar de los Soissons, na provincia francesa de Normandía. El Condáu de Soissons pasó a la so única hermana sobreviviente María de Borbón-Soissons, princesa de Carignano, pol so matrimoniu con Tomás Franciscu de Saboya-Carignano, un famosu xeneral.

Descendencia

Ensin herederu llexítimu, la caña de Soissons llegaría al so fin. Sicasí, él tuvo un fíu natural con Sabela de Hayes:

Lluis Enrique de Borbón-Soissons (1640-1703), príncipe de Neuchâtel y de Valangin, conde de Dunois y de Noyers. En 1694 casóse con Anxélica de Montmorency-Luxembourg (1666-1736), fía de Franciscu Enrique de Montmorency, mariscal de Francia.

Predecesor: Carlos de Soissons	Conde de Soissons 1612 – 1641	Socesor: María de Soissons
Predecesor: Carlos de Soissons	Conde de Dreux 1612 – 1641	Socesor: María de Soissons

Referencies

↑ Afirmao en: autoridaes BNF. Identificador BnF: 134962511. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.
↑ Biblioteca Nacional de Francia. «autoridaes BNF» (francés). Consultáu'l 10 ochobre 2015.

Enllaces esternos

[b018f74947150ca37a742b2680a73a0475feba55-1] Afirmao en: autoridaes BNF. Identificador BnF: 134962511. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.

[39212262ae18ee7ecb65cecf49104efe92624bcc-2] Biblioteca Nacional de Francia. «autoridaes BNF» (francés). Consultáu'l 10 ochobre 2015.

[1]

[2]