Mísia

Susana María Alfonso de Aguiar (18 de xunu de 1955, Porto – 27 de xunetu de 2024, Lisboa), conocida artísticamente como Mísia, foi una cantante portuguesa de fados, principalmente.

Mísia
Vida
Nacimientu	Porto, 18 de xunu de 1955
Nacionalidá	Portugal
Muerte	Lisboa, 27 de xunetu de 2024 (69 años)
Sepultura	Cementerio del Alto de São João (es)
Causa de la muerte	cáncanu
Estudios
Llingües falaes	castellanu inglés catalán francés portugués
Oficiu	cantante, actriz
Premios	ver caballeru de les Artes y les Lletres comendador de la Orden del Mérito de Portugal
Seudónimos	Mísia
Xéneru artísticu	fadu
Instrumentu musical	voz
IMDb	nm0617806
misia-musik.com

Biografía

El so padre yera portugués y la so madre española d'orixe catalán. Esta trabayó como baillarina de cabaré nos sos entamos nel Teatru El Molino de Barcelona, España, lo qu'esplica munches de les influencies que Mísia recibió nel so estilu musical: tangos, boleros, la fusión de la guitarra col acordión, el violín y el pianu.

Mísia desenvolvió, a lo llargo de tola so carrera hasta la fecha, un nuevu estilu de fadu basáu nel heriedu de la reina del fadu, Amália Rodrigues, l'usu de los preseos musicales tradicionales (la guitarra clásica, la guitarra portuguesa y la guitarra baxu) cola sensualidá del acordión y el violín y, a lo último, la recreación de los versos de los meyores poetes portugueses.

El so trabayu de 2003 Canto pue ser consideráu la so meyor obra. Entemez pieces de los meyores trabayos del guitarrista portugués Carlos Paredes con dellos poemes de Vasco Graça Moura, Sérgio Godinho y Pedro Tamen pa construyir una obra qu'ella mesma describe como perteneciente a la so "galería de coses imposibles".

Mísia tamién ye conocida por interpretar cantares d'otros artistes remembrando l'estilu del fadu: la clásica As time goes by, La gavina de Marina Rossell y delles composiciones de Luis Eduardo Aute son exemplos.

Mísia ye capaz de cantar en diverses llingües. Anque'l so repertoriu tea compuestu mayoritariamente por fados (y considérase que nun ye un fadu si nun ye cantáu en portugués), ella canta dalgunos de los sos temes en catalán, francés, castellanu, inglés, napolitanu... Ye un exemplu'l so CD Drama Box: una selección de tangos, boleros y fados cantaos en portugués y castellanu. En catalán canta'l tema Plou al cor de Joan Manuel Serrat nel discu coleutivu de La Marató de TV3, na so edición de 2007.

Mísia ye reconocida en Portugal y la so música ye bien apreciada n'otros países como España, Alemaña o Francia.

Col so trabayu Drama Box preséntase per primer vegada nel Palaciu de la Música Catalana de Barcelona nel marcu del Festival Únicas. En febreru de 2007 Mísia presentó nel Teatru Les Bouffes du Nord en París el so proyeutu Lisboarium, un conciertu acústicu de fadu tradicional sobre testos de grandes poetes especialmente escritos pa la so voz.

En 2009 llanzó al mercáu Ruas, el so trabayu discográficu más ambiciosu. Un doble CD onde interpreta fados, con Lisboa como protagonista (CD Lisboarium), y onde rinde un particular homenaxe a grupos y solistes internacionales (Chavela Vargas, Camarón de la Isla y Joy Division, ente otros) nel CD Tourist, interpretando los sos cantares nel so idioma orixinal.

Muerte

Mísia morrió de cáncanu nun hospital de Lisboa'l 27 de xunetu de 2024, a los 69 años d'edá.

Discografía

• 1991 — Mísia
• 1993 — Fado
• 1995 — Tanto menos, tanto mais
• 1998 — Garras dos sentidos
• 1999 — Paixões diagonais
• 2001 — Ritual
• 2003 — Canto
• 2005 — Drama box
• 2009 — Ruas
• 2011 — Senhora da noite
• 2013 — Delikatessen Café Concerto
• 2015 — Para Amália
• 2016 — Do primeiro fado ao último tango
• 2019 — Pura vida (Banda sonora)
• 2022 — Animal sentimental

Filmografía

• Passione, de John Turturro. (2010)

Enllaces esternos

• Wikimedia Commons acueye conteníu multimedia sobre Mísia.
  • Páxina web oficial
• Mísia na Internet Movie Database (n'inglés)
• Mísia en Facebook

• Datos: Q237037
• Multimedia: Mísia (Portuguese singer)