Mònica Terribas
Mònica Terribas i Sala (16 de xineru de 1968, Barcelona) ye una periodista catalana. Ente otros cargos, foi la Direutora de Televisió de Catalunya dende 2008 hasta 2012.[4] Dende 2013 dirixe'l programa de radio El matí de Catalunya Radio de la cadena Catalunya Radio.
.svg){kind=small}
Trayeutoria profesional
editarMònica Terribas ye llicenciada en Periodismu pola Universidá Autónoma de Barcelona y Doctora pola Universidá de Stirling (Escocia) cola tesis «Television, national identity and the public sphere: a comparative study of Scottish and Catalan discussion programmes» («Televisión, identidá nacional y esfera pública: un estudiu comparativu de los programes d'alderique escoceses y catalanes»).
Foi redactora nos servicios informativos de Cadena 13 hasta qu'en 1987 entró a trabayar en TV3 de la mano de Joaquím Maria Puyal[5] como coordinadora, guionista o direutora en programes como Trés pics i repicó, La vida nun xip, Un tomb per la vida, Persones humanes, Solvència oldeada, Som i serem, Avisa'ns quan arribi el 2000 o Temps era temps. De 2002 a 2008 presentó y dirixó'l programa d'analís informativu de TV3 La nit al dia.[6]
En mayu de 2008 foi escoyida por unanimidá Direutora Xeneral de Televisió de Catalunya que toma les canales TV3, El 33, 3/24, Esport3, Canal Super3 y 3XL. Exerció'l cargu hasta abril de 2012.
N'avientu de 2014, presentó: "La Marató" de TV3, xunto con Quim Masferrer, dedicada a recaldar fondos pa la investigación de les enfermedaes del corazón. El programa llegó a recaldar 8.864.016€.
Ye profesora titular del Departamentu de Comunicación na Universidá Pompeu Fabra[7] onde foi Vicedecana d'estudios de Periodismu. Tamién forma parte del grupu d'investigación Unitat d'Investigació en Comunicació Audiovisual (UNICA).
Dende setiembre de 2013, dirixe y presente el programa El matí de Catalunya ràdio en Catalunya Ràdio.
Premios
editar- 1995: accésit del VII Premiu a la investigación sobre comunicación de mases del Centru d'Investigación de la Comunicación (Cedic) de la Xeneralidá de Cataluña.
- 2002: Premi Serrat i Bonastre de televisión del Colexu d'Inxenieros Industriales de Cataluña
- 2003: Premio Nacional de Periodismu
- 2003: Premio Ciudá de Tarragona de Comunicación
- 2004: Premio Zapping a la meyor presentadora d'informativos
- 2004: Premiu de Comunicación Universidá Ramon Llull
- 2004: Premiu 1924 de Comunicación Audiovisual, concedíu por Ràdio Associació de Catalunya
- 2005: Premiu Òmnium Cultural de televisión
- 2007: Premio Ciudá de Barcelona
- 2009: Premiu Joaquim Regàs de Periodismu
- 2012: Memorial Francesc Macià
Referencies
editar- ↑ 1,0 1,1 1,2 URL de la referencia: https://apmembres3.iec.cat/detall.aspx?pkMembrePLE=1409.
- ↑ Afirmao en: Internet Movie Database. Identificador IMDb: nm1802889. Data de consulta: 17 xunetu 2016. Llingua de la obra o nome: inglés.
- ↑ URL de la referencia: https://govern.cat/salapremsa/notes-premsa/416175/govern-distingeix-creu-sant-jordi-20-persones-10-entitats.
- ↑ «Mònica Terribas va ser la nueva direutora de TV3». Archiváu dende l'orixinal, el 2008-05-12.
- ↑ (en castellanu) Mònica Terribas, esgrimidora d'entrevistes. eldiario.es. https://www.eldiario.es/catalunya/personal/Monica-Terribas-esgrimidora-entrevistes_6_320977906.html. Consultáu'l 24 de febreru de 2017.
- ↑ «noticia/monica-terribas-diserta-sobre-el papel-de-los medios-publicos-1099409749848.html?noticiaid=1297667038974 Mònica Terribas diserta sobre'l papel de los medios públicos - UAB Barcelona» (castellanu). Consultáu'l 24 de febreru de 2017.
- ↑ «Terribas Sala, Mònica» (23 de marzu de 2015). Consultáu'l 24 de febreru de 2017.
Enllaces esternos
editar
Wikimedia Commons acueye conteníu multimedia sobre Mònica Terribas.
Datos: Q4897147- Multimedia: Mònica Terribas i Sala
