Mantodea
Los mantodeos (Mantodea, de Mantis y del griegu eidés, "que tien aspeutu de") son un orde d'inseutos neópteros comúnmente conocíos como mantis. Conócense unes 2.450 especies partíes per tol mundu, pero con especial diversidá nos trópicos. La so carauterística más llamativa ye la estructura de les sos pates anteriores, notablemente modificaes pa la captura de preses. Viven ente la vexetación, na que se camuflen perfectamente.
Mantodea  | ||
|---|---|---|
 | ||
| Clasificación científica | ||
| Reinu: | Animalia | |
| Filu: | Arthropoda | |
| Superclas: | Hexapoda | |
| Clas: | Insecta | |
| Subclas: | Pterygota | |
| Infraclas: | Neoptera | |
| Orde: | Mantodea | |
| Families | ||
| Consultes | ||
| [editar datos en Wikidata] | ||
Tán estrechamente rellacionaos colos isópteros (termites) y los blatodeos ("cucaraches"), y estos tres grupos son dacuando axuntaos nel superorde Dictyoptera, que n'ocasiones ye consideráu como un orde.
Morfoloxía
editarEl cuerpu ye allargáu, de coloración críptica verde o parda, anque esisten especies coloríes (Hymenopus, Theopompa, Liturgusa) que se camuflen con flores, corteza o liquen. Los mantodeos tienen una cabeza triangular y móvil. Na frente, sobre'l clipeo, alcuéntrase un escudu fronteru carauterísticu, sobre'l cual atópense tres ocelos. Les antenes son filiformes y l'aparatu bucal ye de tipu mazcador.
El protórax ye estrechu (Baciliforme) o toscu. Les pates anteriores son raptores. Éstes presenten una coxa allargada, dacuando tanto como'l fémur. Los fémures tan armaos a lo llargo de los márxenes ventrales por 2 fileres de robustos escayos, al igual que les tibies.
Ecoloxía
editarLos mantodeos viven en rexones tropicales, subtropicales y templaes de tol mundu. Habiten nuna gran variedá d'hábitats terrestres, dende'l sable del desiertu fasta'l dosel del monte tropical. Toles especies son carnívores y la so dieta consiste n'otros artrópodos, anque especies de gran tamañu pueden añader pequeños vertebraos a la so dieta, tales como llagartos, colibríes y royedores. Los Mantodea son tamién reconocíos poles sos habilidaes críptiques, pudiendo confundise perfeutamente cola so redolada inmediata, yá sía pol color o la forma del so cuerpu.
Especies na Península Ibérica y archipiélagos Balear y Canariu
editarN'España y Portugal hai 16 especies, una d'elles propia d'Islles Canaries.
- Ameles africana (Bolivar 1914)
- Ameles assoi (Bolivar 1873)
- Ameles decolor (Charpentier 1825)
- Ameles picteti (Saussure, 1869)
- Ameles spallanzania (Rossi 1792)
- Apteromantis aptera (Fuente 1894)
- Geomantis larvoides (Pantel 1896)
- Iris oratoria (Linnaeus 1758)
- Mantis religiosa (Linnaeus 1758)
- Pseudoyersinia paui (Bolivar 1898)
- Pseudoyersinia canariensis (Chopard 1942)
- Rivetina baetica (Rambur 1838)
- Sphodromantis viridis (Forskal 1775)
- Empusa pennata (Thunberg 1815)
- Perlamantis alliberti (Guerin-Meneville 1843)
- Blepharopsis mendica (Fabricius, 1775)
| Wikispecies tien un artículu sobre Mantodea. |
Referencies
editarEnllaces esternos
editar| Wikispecies tien un artículu sobre Mantodea. |
Wikimedia Commons acueye conteníu multimedia sobre Mantodea.
