Manuel B. García Álvarez
Manuel B. García Álvarez (16 d'agostu de 1943, Uviéu) ye un xurista y profesor universitariu retiráu. Foi'l primer Procurador del Común de Castiella y Lleón ente 1995 y 2005.
Manuel B. García Álvarez | |||
|---|---|---|---|
1995 - 2005 | |||
| Vida | |||
| Nacimientu | Uviéu[1], 16 d'agostu de 1943[1] (81 años) | ||
| Nacionalidá |
 España | ||
| Llingua materna | castellanu | ||
| Estudios | |||
| Estudios | Universidá d'Uviéu | ||
| Llingües falaes |
castellanu rusu | ||
| Oficiu | xurista | ||
 | |||
Biografía
editarEstudió na Universidá d'Uviéu de 1960 a 1965 y llicencióse en Derechu, siendo nomáu profesor axuntu de la Universidá de Lleón. Depués d'un cursu d'Estudios Europeos Avanzaos nel Colexu d'Europa de Bruxes (Bélxica) de 1967 a 1968, doctoróse en Derechu na Universidá d'Uviéu en 1971.
De setiembre de 1974 a febreru de 1976 foi investigador asociáu visitante na Universidá de Harvard nel programa de beques de cooperación cultural. En 1980 concedióse-y la mesma beca, pero para aportar a ella tuvo qu'arrenunciar a ser nomáu profesor asistente na Universidá de Lleón, onde en 1988 dióse-y la Cátedra de Derechu Constitucional.
En 1985, Álvarez participó na firma d'un conveniu ente la Universidá Estatal de Voronezh y Lleón, que-y dexó desenvolver una importante xera d'investigación na Federación Rusa. Ente otros, trabayó como espertu estranxeru tantu na comisión constitucional como na asamblea constitucional creada nel branu de 1993 pol presidente Boris Yeltsin. Yera l'únicu espertu estranxeru.[2]
En 1995 Álvarez foi designáu poles Cortes de Castiella y Lleón como Procurador del Común (Defensor del Pueblu) d'esa Comunidá Autónoma, onde permaneció hasta la so xubilación nel añu 2012.[3]
Dende 1976 hasta la so xubilación foi miembru del conseyu de redaición de la East European Quarterly[4] de la Universidá de Colorado.
Álvarez tuvo l'honor de ser convidáu pol Conseyu d'Europa a participar en dellos seminarios en representación del Conseyu en Moscú, San Petersburgu y Ekaterimburgu aldericando la posibilidá de crear el cargu de Defensor del Pueblu en delles rexones de Rusia.[5]
Amás de los sos trabayos científicos, ye autor de dellos llibros billingües dedicaos a los estudiantes rusos de castellán.[5][6][7]
Referencies
editar- ↑ 1,0 1,1 Afirmao en: Catálogo de la Biblioteca Pontificia de la Santa Cruz. ID Pontificia Universidad de la Santa Cruz: 30360. Data de consulta: 14 marzu 2024.
- ↑ Izvestiya
- ↑ Diario de Leon (ed.): «Apoyo unánime de las Cortes al último informe de García Álvarez» (castellán) (22 de setiembre de 2004).
- ↑ East European Quarterly (versión online)
- ↑ 5,0 5,1 Garcia Alvarez website
- ↑ Unirioja.es
- ↑ «Trabayos». Archiváu dende l'orixinal, el 2021-10-27.
Enllaces esternos
editar
| Predecesor: nuevu cargu |
Procurador del Común 1995-2005 |
Socesor: Javier Amoedo Conde |
Datos: Q107246218
