Manuel Vega-Arango
Manuel Vega-Arango Alvaré (17 d'agostu de 1938, Lluanco) ye un ex-futbolista y dirixente deportivu asturianu.
Manuel Vega-Arango | |||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
2002 - 2013 - Antonio Veiga →
1977 - 1986 | |||||||||||||||||||||||||||||
| Vida | |||||||||||||||||||||||||||||
| Nacimientu | Lluanco, 17 d'agostu de 1938 (86 años) | ||||||||||||||||||||||||||||
| Nacionalidá |
 España | ||||||||||||||||||||||||||||
| Estudios | |||||||||||||||||||||||||||||
| Estudios | Colexu de la Inmaculada | ||||||||||||||||||||||||||||
| Llingües falaes | castellanu | ||||||||||||||||||||||||||||
| Oficiu | |||||||||||||||||||||||||||||
| Oficiu | futbolista | ||||||||||||||||||||||||||||
| |||||||||||||||||||||||||||||
 | |||||||||||||||||||||||||||||
Biografía
editarComo futbolista
editarManuel Vega-Arango Alvaré estudió, en réxime d'internáu, nel Colexu de la Inmaculada, unu de los pocos sitios d'Asturies onde se xugaba al fútbol dende finales del sieglu XIX. Siendo xuvenil yá foi futbolista del Real Xixón, etapa na que yera conocíu como Alvaré.[1] Llegó a debutar en Primer División na temporada 1957-58, nun alcuentru apostáu n'El Molinón ante'l Real Valladolid Deportivo.[2][3] El so primer gol como xugador roxiblancu consiguir ante'l Valencia C. F., tamién nel estadiu xixonés, en batiendo con un remate de cabeza al porteru José Manuel Pesudo.[3][4]
Foi l'únicu futbolista que caltuvo la condición de amateur, por voluntá propia, na historia del equipu profesional, aforrándo-y asina la correspondiente ficha a la entidá.[1] Por ello, en 1960, foi estremáu cola insinia d'oru y brillantes del club pol entós presidente, Alloñando Pidal Guilhou.[5] Remató la so trayeutoria xugando una temporada na A. D. Universidá d'Uviéu.[3]
Como dirixente deportivu
editarLlegó a la presidencia del Real Sporting de Xixón el 25 de mayu de 1977 al encabezar la única candidatura presentada a les eleiciones.[6] Mientres los nueve años que se caltuvo nel cargu, hasta'l 13 de xunetu de 1986,[7] el club llogró un subcampeonatu de Lliga na temporada 1978-79, apostó dos finales de la Copa del Rei —1980-81 y 1981-82—, y participó en cuatro ediciones de la Lliga de la UEFA.[8] Al términu del so mandatu nel Sporting, foi-y concedida la so segunda insinia d'oru y brillantes de la entidá.[9] Coles mesmes, tamién fuera'l primer presidente de la Lliga de Fútbol Profesional (LFP), ente'l 30 d'avientu de 1983[10] y el 11 d'avientu de 1984, momentu en que presentó la so dimisión.[11] Darréu, presidió la Federación Asturiana ente'l 24 de payares de 1988[12] y agostu de 1994.[13]
En payares de 1997, tornó al Sporting asumiendo les funciones de conseyeru delegáu del club.[14] Tres la dimisión de Juan Pérez Arango na presidencia del conseyu d'alministración, dio empiezu, el 12 de payares de 2002, la so segunda etapa a lo más dirixente sportinguista.[15] De magar, la sociedá pasó por un concursu d'acreedores, encamentáu en xunu del añu 2005, amás de consiguir un ascensu a Primer División na campaña 2007-08.[14] Abandonó la presidencia del club el 21 de xunu de 2013.[16]
Política
editarAportó a propuestu por Alianza Popular como candidatu a l'alcaldía de Xixón, ufierta que refugó.[17] Foi candidatu al senáu por Coalición Popular nes eleiciones xenerales de 1986.[18]
Referencies
editar- ↑ 1,0 1,1 Cuesta, Janel (2004). «Manolo Vega-Arango», J&Roth Creativos: Los Homes del Sporting, 1ª, páx. 183-186. ISBN 84-609-3373-3.
- ↑ «Partíos na temporada 1957-58». Consultáu'l 14 de payares de 2012.
- ↑ 3,0 3,1 3,2 Rosety, Manuel (4 d'avientu de 2008). «L'Asociación de Veteranos va imponer la so insinia d'oru a Manuel Vega-Arango». Consultáu'l 14 de payares de 2012.
- ↑ «Real Xixón 2-1 Valencia» (22 de marzu de 1959). Consultáu'l 14 de payares de 2012.
- ↑ Rosety, Manuel (6 d'avientu de 2008). «Homenaxe al presidente». Consultáu'l 14 de payares de 2012.
- ↑ Allongo, Genaro (26 de mayu de 1977). «Un ex-xugador, nuevu presidente del Xixón». Consultáu'l 14 de payares de 2012.
- ↑ Allongo, Genaro (13 de xunetu de 1986). «Vega-Arango va tener güei socesor». Consultáu'l 14 de payares de 2012.
- ↑ Allongo, Genaro (13 de xunetu de 1986). «Nueve años pa la hestoria». Consultáu'l 14 de payares de 2012.
- ↑ Allongo, Genaro (6 de setiembre de 1986). «Vega-Arango va recibir les sos segunda insinia d'oru y brillantes». Consultáu'l 14 de payares de 2012.
- ↑ Alcaide, Jesús (31 d'avientu de 1983). «Vega-Arango, por conseso». Consultáu'l 14 de payares de 2012.
- ↑ «Yá manda Baró» (12 d'avientu de 1984). Consultáu'l 14 de payares de 2012.
- ↑ Axencia EFE (25 de payares de 1988). «Vega-Arango, escoyíu presidente». Consultáu'l 14 de payares de 2012.
- ↑ «La Federación Asturiana yá tien nuevu presidente» (25 d'ochobre de 1994). Consultáu'l 14 de payares de 2012.
- ↑ 14,0 14,1 Axencia EFE (16 de payares de 1997). «Fernández abandona la presidencia del Sporting». Consultáu'l 14 de payares de 2012.
- ↑ Rosety, Manuel (12 de payares de 2012). «La década de Vega-Arango». Consultáu'l 12 de payares de 2012.
- ↑ «presidencia-del real-sporting&catid=36:actualidá&Itemid=186 Manuel Vega-Arango dexa la presidencia del Real Sporting» (21 de xunu de 2013). Consultáu'l 21 de xunu de 2013.
- ↑ Paradinas, Juan José (30 d'avientu de 1983). «La llinia conservadora predomina entro los miembros del Comité del Fútbol Profesional». Consultáu'l 12 de payares de 2012.
- ↑ «El presidente del Sporting, candidatu por CP» (1 de mayu de 1986). Consultáu'l 14 de payares de 2012.
Enllaces esternos
editar
| Predecesor: Ángel Viejo Feliú |
Presidente del Real Sporting de Xixón 1973 - 1977 |
Socesor: Ramón Muñoz Fernández |
| Predecesor: Juan Manuel Pérez Arango |
Presidente del Real Sporting de Xixón 2002 - 2013 |
Socesor: Antonio Veiga Suárez |
Datos: Q5994515
