El maoísmu[1] ye la teoría marxista-leninista desenvuelta por Mao Zedong (1893-1976).

Maoísmu
ideoloxía política
marxismo-leninismu
Cambiar los datos en Wikidata

Na República Popular China ye la doctrina oficial del Partíu Comunista de China. Sicasí, tres les reformes empecipiaes por Deng Xiaoping en 1978, tendientes a una economía de mercáu, el socialismu con carauterístiques chines foi la política aplicada nel país, y la definición oficial y el rol del Pensamientu de Mao Zedong nesti país foi radicalmente modificáu, anque la so imaxe inda preside la Plaza de Tiananmen de Beixín.

El términu maoísmu nunca foi emplegáu oficialmente pol Partíu Comunista de China, sacantes como pallabra derivada. El términu preferíu foi siempres Pensamientu de Mao Tse Tung. De la mesma forma, dellos partíos maoístes fora de China denominense n'ocasiones a sigo mesmos como marxistes-leninistes y Pensamientu Mao, lo que reflexa la so idea de que Mao nun modificara sustancialmente los planteamientos de Lenin, sinón que los desenvolvió y afixo a la Revolución China.

Sicasí, otros partíos maoístes consideren que Mao realizó aportaciones teóriques y práutiques que significaron un desenvolvimientu sustancial del leninismu, polo que se denominen marxistes-leninistes-maoístes o a cencielles maoístes. Por exemplu, el Partíu Comunista de Nepal (Maoísta) estrémase d'otres organizaciones, como'l Partíu Comunista de Nepal (Marxista-Leninista Unificáu), con dichu axetivu. Hai partíos maoístes que sostienen que güei ye imposible defender la teoría de Marx y de Lenin ensin estudiar y defender les aportaciones de Mao y la esperiencia de la Revolución China tocantes a la continuación de la llucha de clases, so nueves formes, nel marcu de la construcción de la sociedá socialista.

Fora de China, el términu maoísta foi usáu dende la década de los 60, xeneralmente de manera contraria, pa describir a los partíos y persones que sofitaben a Mao Zedong y la so forma de comunismu, como opuesta a la forma aplicada na XRSS (consideraos, a patir de la muerte d'Josif Stalin, revisionistes polos maoístes).

Referencies editar

Ver tamién editar

Organizaciones maoístes editar