Maria Reiche
Victoria María Reiche Neumann o María Reiche (15 de mayu de 1903, Dresde – 8 de xunu de 1998, Lima) foi la que más estudió les llinies de Nazca.[5]
Maria Reiche | |
|---|---|
 | |
| Vida | |
| Nacimientu | Dresde[1], 15 de mayu de 1903[2] |
| Nacionalidá |
Alemana Peruana (llograda)[3] |
| Muerte | Lima[2], 8 de xunu de 1998[2] (95 años) |
| Sepultura |
Museo Maria Reiche (es)  |
| Causa de la muerte | cáncanu |
| Estudios | |
| Estudios | Technische Universitaet Dresden |
| Llingües falaes | alemán[4] |
| Oficiu |
arqueóloga, matemática, profesora de lengua (es) |
| Trabayos destacaos | Llinies de Nazca |
| Premios | |
| maria-reiche.de | |
 | |
_-_ribbon_bar.png){kind=small}
Biografía
editarVictoria María Reiche Neumann o María Reiche nació en Dresde, Alemaña. Foi célebre poles sos investigaciones y caltenimientu de les llinies de Nazca en Perú. Los sos padres yeren Felix Reiche Grosse y Ana Elizabeth Neumann Voigt. Mientres la so infancia vivió xunto colos sos hermanos menores, Renate y Franz, na cai Zittauer Strasse en Dresde. Llegó al Perú en 1932 pa educar a los fíos del cónsul alemán na ciudá de Cusco. Lo primero que la impresionó foi la rellumanza y la guapura de los paisaxes andinos.
En 1936 retornó al so país y un añu dempués, a fines de 1937, volvió a Perú y nunca más tornaría a la so ciudá natal de Dresde, que quedó destruyida mientres la segunda guerra mundial. Entós decidió establecer el so llar en Lima, onde ufiertó los sos servicios como profesora de ximnasia, alemán ya inglés.
Nel Tearoom, una cafetería d'alcuentru pa estranxeros ya intelectuales, conoció María Reiche a Julio C. Tello, pa quien ella traduciría'l so trabayu y a Paul Kosok, quien la llevaría a Nazca per primer vegada en 1941. El Tearoom pertenecía-y a la inglesa Amy Meredith, quien foi la primer financiera de la obra de Maria y tamién la so pareya por 21 años. Amy fina en xineru de 1960 de cáncer d'ovariu y el dineru que Maria herieda de Amy ayudaría a siguir les sos investigaciones. Pero ye una dómina bien dura pa María y nun tornaría por un tiempu a Nazca. Decidió dir a la sierra y trabayar los siguientes años como educadora en zones d'estrema probeza.
María Reiche empecipió una vida dedicada al estudiu ya investigación de les llinies de Nazca a partir de 1946, aguiyada polos estudios del arqueólogu estauxunidense Paul Kosok. La matemática, xeografía y física fueron enforma del so interés, foi graduada na Universidá Téunica de Dresde y en Perú afayó una vocación na que concentraría toles sos enerxíes.
En 1992 el gobiernu concéde-y el títulu de ciudadana honoraria de Perú, oficializáu cola so nacionalización definitiva al añu siguiente. N'avientu de 1994, gracies a los sos esfuercios y xestiones, la Unesco alcordó otorgar a les llinies de Nazca la categoría de Patrimoniu Cultural de la Humanidá. Nos últimos años, por cuenta del so delicáu estáu de salú, María Reiche ocupó una habitación nel hotel de turistes de Nazca, siendo asistida pola so hermana Renata, quien finó en 1995.[6]
Maria finó en Lima'l 8 de xunu de 1998. Un mes antes, la Unesco haber condecoráu cola medaya Machu Picchu. El gobiernu peruanu dio-y póstumamente la orde al méritu por servicios distinguíos nel grau de gran cruz.
Figures descubiertes en Nazca
editar- Una docena de llinies de solsticiu
- El Ave Kosok xunto a Paul Kosok, la primer figura en ser afayada en 1941
- L'Araña Nazca
- El Monu Nazca
- El Ave Chaucato Nazca
Ver tamién
editarNotes y referencies
editar- ↑ Afirmao en: Gemeinsame Normdatei. Data de consulta: 11 avientu 2014. Llingua de la obra o nome: alemán. Autor: Biblioteca Nacional d'Alemaña.
- ↑ 2,0 2,1 2,2 URL de la referencia: https://www.independent.co.uk/arts-entertainment/obituary-maria-reiche-1164151.html.
- ↑
repulgos-colibri.html"Tengo definida la mio vida hasta l'últimu minutu de la mio esistencia. El tiempu va ser pocu pa estudiar la maravía que zarren les pampes de Nasca, ellí voi morrer".
"¡Toa era por Nasca! Si cien vides tuviera, dar por Nasca. Y si mil sacrificios tuviera que faer, facer, si por Nasca fuera".
"Yo quiero, cola mio obra, ser un preséu pa esaniciar les inxusticies y por que los peruanos --que son xente de cualidaes culturales, morales y físiques especiales-- recuperen la so propia estimación. Yo dígo-yos: yo soi chola, porque me siento dacuando más xunida colos cholitos, y sobremanera agora que tengo la nacionalidá peruana".María Reiche. - ↑ Afirmao en: idRef. Identificador de referencia de idRef SUDOC: 135354730. Data de consulta: 1r mayu 2020. Editorial: Agencia Bibliográfica de Enseñanza Superior. Llingua de la obra o nome: francés.
- ↑ El País. «María Reiche, "La Dama de la Pampa"» (castellanu). Consultáu'l 23 de mayu de 2012.
- ↑ historiaperuana.pe. «María Reiche» (castellanu). Consultáu'l 23 de mayu de 2012.
Enllaces esternos
editar
Wikimedia Commons acueye conteníu multimedia sobre Maria Reiche.- Asociación Maria Reiche – Pal caltenimientu y preservación de les llinies y xeoglifos de Nasca
- Asociación María Reiche - Dresden
- Gamero Esparza, Carlos. Al Oeste del Gran Pájaro
- Una Gringa en Nasca Archiváu 2008-05-19 en Wayback Machine
- Sra. María Reiche de Nasca. Cronoloxía (con semeyes, del folletu de la Municipalidá Provincial de Nasca n'homenaxe al 100° aniversariu 2003, y otros)
- Maria Reiche (n'alemán)
Datos: Q213577- Multimedia: Maria Reiche
