Marica Andallón
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
María Xosefa Francisca González y Suárez (8 de xineru de 1764, Uviéu – 2 de xineru de 1848), más conocida como Marica Andallón, foi una heroína de la Guerra d'Independencia Española.
Marica Andallón | |
|---|---|
| Vida | |
| Nacimientu | Uviéu, 8 de xineru de 1764 |
| Nacionalidá |
 España |
| Muerte | 2 de xineru de 1848[1] (83 años) |
| Estudios | |
| Llingües falaes | castellanu |
| Oficiu | héroe |
 | |
Biografía
editarMaría naz n'Uviéu nuna familia proveniente d'Andayón, conceyu de Les Regueres, d'ende'l so seudónimu. A curtia edá queda güérfana, empezando a trabayar más tarde como criada.
El 9 de mayu de 1808, una vegada conocíos los acontecimientos del llevantamientu del dos de mayu en Madrid, xunto con Joaquina Bobela y un grupu de partidarios, torga al secretariu del xeneral francés Murat la publicación d'un bandu.
El 25 de mayu de 1808 toma parte nel llevantamientu en que los sos preparativos ayudó.
Mientres la guerra d'independencia participa na fundación d'un cuerpu sanitariu qu'aida a los mancaos de dambos bandos, llogrando productos sanitarios, treslladándolos a los hospitales de campaña de Santa Clara y San Francisco.
El 19 de xunu de 1808, les tropes populares d'Uviéu xuníes a les del reximientu de Castropol detienen a Meléndez Valdés, La Llave, Ladrón de Guevara y Fitz-Gerald para axusticialos sumariamente por afrancesaos. María, al enterase, informa al cabildru d'Uviéu entamando una procesión encabezada pola Cruz de la Victoria para salvar la vida de los presos, fechu que finalmente llogra.
Fernandu VII, tres una receición real, concedió-y una pensión vitalicia polos sos méritos na guerra.
Bibliografía
editar- Diccionario Enciclopédico del Principado de Asturias, Tomo 1. Ediciones Nobel, Oviedo 2005 (castellán).
- Álvarez Valdés, Ramón (1889). Memorias del levantamiento de Asturias en 1808 (enllaz rotu disponible n'Internet Archive; ver l'historial y la última versión)., Oviedo, Hospicio, páxs. 9-16 (castellán).
- Canella Secades, Fermín (1908). Memorias asturianas del año ocho, Oviedo, Flórez, páxs. 95-110 (castellán).
- Tolivar Faes, José Ramón (1985). Nombres y cosas de las calles de Oviedo, Oviedo, La Carpeta, páxs. 101-104 y 245-248 (castellán).
Referencies
editar- ↑ Afirmao en: Diccionario biográfico español. Identificador DBE: 61360/maria-josefa-francisca-gonzalez-y-suarez. Apaez como: María Josefa Francisca. Marica Andallón González y Suárez. Editorial: Real Academia de la Historia. Llingua de la obra o nome: castellanu. Data d'espublización: 2011.
Enllaces esternos
editar
Datos: Q5998088
