Marion Byron
Marion "Peanuts" Byron (16 de marzu de 1911, Dayton – 5 de xunetu de 1985, Santa Monica) foi una comediante y actriz cinematográfica d'Estaos Xuníos, que la so carrera trescurrió principalmente na dómina del cine mudu.
Marion Byron | |
|---|---|
 | |
| Vida | |
| Nacimientu | Dayton, 16 de marzu de 1911[1] |
| Nacionalidá |
 Estaos Xuníos |
| Llingua materna | inglés |
| Muerte | Santa Monica, 5 de xunetu de 1985[1] (74 años) |
| Sepultura |
Cementerio Hillside Memorial Park (es)  |
| Causa de la muerte | enfermedá |
| Familia | |
| Casada con | Lou Breslow |
| Estudios | |
| Llingües falaes | inglés |
| Oficiu | actriz, actriz de cine |
| IMDb | nm0126410 |
 | |
Biografía
editarEl so verdaderu nome yera Miriam Bilenkin, y nació en Dayton (Ohio). En siguiendo a la so hermana nuna curtia carrera teatral como cantante y baillarina, consiguió'l so primer papel cinematográficu en 1928 na cinta de Buster Keaton Steamboat Bill Jr.. Darréu foi contratada por Hal Roach p'actuar en curtios acompañando a Max Davidson, Edgar Kennedy, Charley Chase y, sobremanera, a Anita Garvin. Byron, de constitución pequeña, trabayó con Garvin, d'elevada estatura, en 1928 y 1929 nuna curtia serie cinematográfica de tres film, no que yera una versión femenina de les producciones de Stan Laurel y Oliver Hardy.
Antes de la llegada del cine sonoru, Byron dexó de trabayar pa Roach, anque siguió actuando en llargumetraxes como la cinta de Vitaphone Broadway Babies (1929), con Alice White, o cola producción en novedosu Technicolor Golden Dawn (1930). Byron nun consiguió nengún gran ésitu, y los sos papeles menguaben n'importancia de manera paulatina, hasta l'estremu d'intervenir ensin apenes actuar, y ensin apaecer nos creitos, en películes como Meet the Baron (1933, con Jack Pearl) y Hips Hips Hooray (1934, con Bert Wheeler y Robert Woolsey). La so última actuación cinematográfica tuvo llugar na película de les Quintillizas Dionne Six of a Kind (1938).
Byron casóse col guionista Lou Breslow en 1932. Dambos tuvieron un fíu, Larry Breslow, en 1939. Marion Byron finó en Santa Monica (California) en 1985. Tenía 74 años d'edá. Foi soterrada nel Campusantu Hillside Memorial Park de Culver City, California.
Referencies
editar- ↑ 1,0 1,1 Biblioteca Nacional de Francia. «autoridaes BNF» (francés). Consultáu'l 10 ochobre 2015.
Enllaces esternos
editar- Marion Byron na Internet Movie Database (n'inglés)
- Marion Byron n'AllMovie (n'inglés)
Datos: Q6765113
Multimedia: Marion Byron
