Mark Rutte
Mark Rutte (14 de febreru de 1967, L'Haya) ye un políticu neerlandés, actual Primer Ministru de los Países Baxos.
.jpg)
_BAR.svg){kind=small}
Biografía
editarMark Rutte nació en L'Haya el 14 de febreru de 1967 nel senu d'una familia fiel a la Ilesia reformada holandesa; militaben nel Partíu Antirrevolucionariu y depués na Llamada Democristiana.
Rutte graduóse en Historia de los Países Baxos na Universidá de Leiden en 1992. Mientres estudiaba na universidá, formó parte de la Xunta Directiva de la organización xuvenil del Partíu Popular pola Llibertá y la Democracia (VVD poles sos sigles en neerlandés), un partíu lliberal de centroderecha; siendo presidente d'esa caña xuvenil ente 1988 y 1991.
El mesmu añu de la so graduación na universidá, 1992, Rutte entró a trabayar na empresa multinacional de capital británicu y neerlandés Unilever; ocupándose de la formación del personal, y participando en delles reorganizaciones, hasta 1997 cuando foi xubíu a xefe de personal al serviciu de Van den Bergh Netherlands. Nel 2000 Rutte foi designáu pal Grupu Corporativu de Recursos Humanos. Nel 2002 foi nomáu Direutor de Recursos Humanos de IGLOMora Groep BV, una subsidiaria de Unilever.
Paralelamente Rutte prosiguía cola so carrera política como miembru de la Xunta Directiva del VVD ente 1993 y 1997; y nel 2002 foi miembru del comité del partíu encargáu de les nominaciones pa les eleiciones parllamentaries d'esi añu.
El 22 de xunetu del 2002 Rutte foi nomáu Secretariu d'Estáu (cargu equivalente a Viceministru na estructura constitucional neerlandesa) d'Asuntos Sociales y Emplegu; permaneció nesi cargu hasta'l 16 de xunu del 2004. Ente'l 16 de xunu del 2004 y el 27 de xunu del 2006 foi Secretariu d'Estáu d'Educación, Cultura y Ciencia.
El 31 de mayu del 2006 Rutte foi escoyíu líder del Partíu Popular pola Llibertá y la Democracia nuna eleición interna na que llogró l'el 51,5% de los votos de los miembros del partíu.
Referencies
editar- ↑ Afirmao en: Gemeinsame Normdatei. Data de consulta: 10 avientu 2014. Llingua de la obra o nome: alemán. Autor: Biblioteca Nacional d'Alemaña.
- ↑ Afirmao en: Gemeinsame Normdatei. Data de consulta: 9 abril 2014. Llingua de la obra o nome: alemán. Autor: Biblioteca Nacional d'Alemaña.
- ↑ «Australian Honours Search Facility» (inglés).
- ↑ URL de la referencia: https://www.atlanticcouncil.org/events/flagship-event/global-citizen-awards/previous-gca-recipients/.
- ↑ URL de la referencia: https://www.quirinale.it/onorificenze/insigniti/1578301. Data de consulta: 18 xineru 2024. Llingua de la obra o nome: italianu.
- ↑ URL de la referencia: https://www.officielebekendmakingen.nl/stcrt-2024-22525.html.
Enllaces esternos
editar
Wikimedia Commons acueye conteníu multimedia sobre Mark Rutte.- Mark Rutte na Internet Movie Database (n'inglés)
- Mark Rutte en Facebook
- Mark Rutte n'Instagram
- Mark Rutte en Twitter
Datos: Q57792- Multimedia: Mark Rutte
