Maudie Prickett

Maudie Prickett (25 d'ochobre de 1914, Portland – 14 d'abril de 1976, Pasadena) foi una actriz cinematográfica y televisiva de calter y d'Estaos Xuníos.

Maudie Prickett
Vida
Nacimientu	Portland, 25 d'ochobre de 1914
Nacionalidá	Estaos Xuníos
Llingua materna	inglés
Muerte	Pasadena, 14 d'abril de 1976 (61 años)
Sepultura	Mountain View Cemetery and Mausoleum (en)
Causa de la muerte	insuficiencia renal
Estudios
Llingües falaes	inglés
Oficiu	actriz, actriz de televisión, actriz de cine
IMDb	nm0697231

Biografía

Nacida en Portland, Oregón, y tamién conocida como Maud Prickett, de cutiu interpretó a criaes, cacipladores, solterones, y vecines ruidoses. Foi conocida polos sos diez actuaciones nel papel recurrente de Rosie, una criada, na serie televisiva de la NBC de la década de 1960 Hazel, protagonizada por Shirley Booth y Don DeFore.

Nos sos creitos televisivos inclúyense nueve actuaciones como Ms. Gordon nel show de la CBS The Jack Benny Program, y otros cinco con distintos personaxes na serie de l'ABC Bewitched. Amás, participó nel western televisivu de la década de 1950 The Adventures of Kit Carson y en 26 Men.

Otra de les sos actuaciones destacaes foi la de Miss Taisy, la enfermera de Lois Lane na serie televisiva Aventures de Superman, interpretada por George Reeves y Phyllis Coates. Amás, foi en dos causes Alice MacAvity en 1954 na sitcom de la NBC It's a Great Life, interpretada por Frances Bavier. Prickett tamién foi actriz convidada na sitcom de Joan Caulfield emitida en 1957-1958 pola NBC Sally.

Unu de los sos últimos trabayos foi'l que fizo na serie western de 1974 interpretada por Jeanette Nolan pa les CBS Dirty Sally. Nel ámbitu cinematográficu destaca la so actuación como camarera del Hotel Plaza nel filme empobináu por Alfred Hitchcock North by Northwest (1959).

Maudie Prickett finó en 1976 en Pasadena (California), por causa d'una insuficiencia renal aguda. Foi soterrada nel Campusantu Mountain View d'Altadena, California.

Enllaces esternos

• Esta obra remanez de la traducción de Maudie Prickett de Wikipedia - inglés, espublizada polos sos editores baxo la Llicencia de documentación llibre de GNU y la Llicencia Creative Commons Atribución-CompartirIgual 3.0 Unported.

• Maudie Prickett na Internet Movie Database (n'inglés)
• «Maudie Prickett». en Find a Grave. (n'inglés)

• Datos: Q6792325
• Multimedia: Maudie Prickett