Menura novaehollandiae
Les especies d'aves con nome común en llingua asturiana márquense como NOA. En casu contrariu, conséñase'l nome científicu.
Menura novaehollandiae  | ||
|---|---|---|
 | ||
| Estáu de caltenimientu | ||
 Esmolición menor (IUCN 3.1)[1] | ||
| Clasificación científica | ||
| Reinu: | Animalia | |
| Filu: | Chordata | |
| Clas: | Aves | |
| Orde: | Passeriformes | |
| Familia: | Menuridae | |
| Xéneru: | Menura | |
| Especie: |
M. novaehollandiae Latham, 1801 | |
| Consultes | ||
| [editar datos en Wikidata] | ||
'''Menura novaehollandiae ye una especie d'ave paseriforme de la familia Menuridae. Ye grande, d'hasta un metro de llargor, con plumaxe marrón y gris, ales arrondaes, y pates llargues y fuertes. Ye unu de los páxaros cantores más grandes (dempués del cuervu de picu gruesu y el cuervu común), les sos plumes miden 55 cm.
El machu polígamu tien una cola bien elegante. La cola consiste en dieciséis plumes rectrices, les dos más esteriores de les cualos tienen forma d'una llira. Dientro d'éstes hai dos plumes proteutores y doce plumes llargues y delicaes que se paecen al encaxe. La cola tardienta siete años en desenvolvese por completu. Mientres la exhibición de cortexu'l machu esplega la cola y vuelve les plumes escontra alantre sobre la cabeza por que formen una blanca marquesina atrayente. Dempués d'apariar, la fema pon un solu güevu nel nial, que tien forma de cúpula.
Esta especie ye bien conocida pola so magnífica capacidá d'asonsañar perbién casi cualquier soníu. El documental La Vida de les Aves (The Life of Birds n'inglés) inclúi una escena famosa na qu'esti páxaru asonsaña, ente otres coses, el soníu d'una cámara, el cantar d'una cucaburra, l'alarma d'un coche, y el ruiu d'una motosierra.
Esta especie ye orixinaria d'Australia, y habita los montes de Victoria y los de Queensland. Aliméntase principalmente d'animales pequeños, que caza sobre'l suelu del monte.
Como les demás aves australianes (como'l emú) l'ave llira sobeyosa ye un símbolu popular, ya inclusive se ve na moneda australiana de diez céntimos.
Referencies editar
- ↑ BirdLife International (2012). «Menura novaehollandiae» (inglés). Llista Roxa d'especies amenazaes de la UICN 2014.3. Consultáu'l 18 d'avientu de 2014.
Enllaces esternos editar
Wikimedia Commons acueye conteníu multimedia sobre Menura novaehollandiae 
.
| Wikispecies tien un artículu sobre Menura novaehollandiae. |
Datos: Q757013- Multimedia: Menura novaehollandiae
Especies: Menura novaehollandiae
