Milford Sound

Milford Sound
Alministración
Reinos	Nueva Zelanda
Rexón	[[d:Special:EntityPage/Q864971\|{{{2}}}
Distrito (es)	[[d:Special:EntityPage/Q1972706\|10px
Tipu d'entidá	fiordu
Nome oficial	Milford Sound / Piopiotahi (en)
Nome llocal	Piopiotahi (mi)
Xeografía
Coordenaes	44°37′S 167°52′E / 44.62°S 167.87°E
Demografía

Milford Sound, tamién conocíu como Piopiotahi en maorí, ye un fiordu asitiáu nel suroeste de la Isla Sur de Nueva Zelanda. Milford Sound ye'l sitiu más famosu de Nueva Zelanda pa los turistes,[cita ^{[ensin referencies]} amás de ser llamáu la «octava maravía del mundu» por Rudyard Kipling, y ta asitiada dientro del Parque nacional de Fiordland, que ta dientro de la Te Wahipounamu, declaráu Patrimoniu de la Humanidá.^{[ensin referencies]}

Xeografía editar

Milford Sound estiéndese 15 quilómetros tierra adientro dende'l mar de Tasmania y ta arrodiáu de roques serrapatoses qu'algamen más de 1200 d'altor en cada llau. Ente los picos alcuéntrase The Elephant (L'Elefante) a 1517 msnm, que asemeya la cabeza d'un elefante, y Lion Mountain ( Montaña Llión) a 1302 msnm, cola forma d'un lleón agacháu.

Al respective de la flora, predomina'l monte húmedu que s'enraigona hasta lo más alto de los serrapatosos, mientres foques, delfines y pingüinos frecuenten estes agües.

Clima editar

Con una media de precipitaciones añal de 6813 mm a lo llargo de 182 díes, un nivel altu hasta para la mariña oeste, Milford Sound ye conocíu como'l llugar más húmedu de Nueva Zelanda y unu de los más húmedos del mundu. Les precipitaciones pueden algamar los 250 mm nun ralu de 24 hores, que crean docenes de cascaes temporales (según tamién un númberu mayor de permanentes) percorriendo ríu abajo les cares serrapatoses de les roques, dalgunes algamen los 1000 metros de cayida.

L'agua d'agua acumulao puede dacuando causar que porciones del monte húmedu pierdan agarre nes cares serrapatoses de les roques, lo cual causa ábanos d'árboles que terminen no fondero del cañón. La nacencia de nuevos árboles depués d'estos ábanos puede apreciase en distintes partes al traviés del llugar.

Turismu editar

Cascaes llaterales de los ribayos.

Descripción editar

La guapura d'esti paisaxe atrai a miles de visitantes acaldía, con casi 550 000 en total per añu.[cita riquida] Esto fai del Milford Sound unu de los sitios turísticos de Nueva Zelanda más visitaos,[cita ^{[ensin referencies]} y podría dicise que'l más famosu destín turísticu, magar la so alloñada locación y el llargu viaxe dende los más cercanos pueblos.[cita ^{[ensin referencies]} La mayoría de los turistes que van a Milford Sound prefieren dir nos barcos turísticos que de normal realicen trayectos que duren ente 1 y 2 hores.[cita ^{[ensin referencies]} Son ufiertaos por delles compañíes, y parten dende'l Centru de Visitantes de Milford Sound, tamién esiste la opción de cruceros nocherniegos.^{[ensin referencies]}

El senderismo y el canotaje son habituales en Milford Sound. Per otru llau, hai una capacidá llindada d'agospéu, solo un pequeñu porcentaxe de turistes quédense más d'un día,[cita ^{[ensin referencies]} el restu suel quedase nos pueblos cercanos como Te Anau o Queenstown.

Un observatoriu acuáticu turísticu que s'atopa alcontráu nuna de les mariñes del llagu sirve a los visitantes pa poder reparar al coral negru, que usualmente solo alcuéntrase n'agües fondes. Más una superficie d'agua fresco llena de tanín procedente de los montes, ayuden a los corales a crecer n'agües cerca a la superficie.

Tresporte editar

Per carretera, Milford Sound ta a 295 km de Queenstown y a 279 km de Invercargill (unes 4 hores de viaxe), la mayoría de los autobuses turísticos parten de Queenstown o Te Anau, un pequeñu centru turísticu a 121 km al sur. Hai amás vuelos n'aviones pequeños y helicópteros turísticos dende y escontra l'aeropuertu de Milford. El camín escontra Milford Sound traviesa dellos paisaxes montascosos antes de llegar a los 1,2 km del Homer Tunnel, que remanez dende los montes húmedos hasta llegar al valle. Nel camín pel monte hai delles corrientes de vientu lo que fai que pel hibiernu hayan ábanos y zarros de la carretera.

La llarga distancia escontra Milford Sound dende Queenstone, fai que los operadores turísticos salgan dende bien ceo pela mañana y vuelvan bien tarde pela nueche, dexando que los turistes tengan delles hores al mediudía pa visitar Milford Sound, de resultes, hai una gran conxestión de tráficu nes hores punta del día, na temporada turística. Una alternativa pera evitar un día tan llargu y esfrutar la carretera Milford más en tientes ye agospiase nel pueblu de Te Anau la nueche antes de dir a Milford Sound per carretera y salir ceo de Te Anau.

Al traviés de los años, aldericáronse munches formes d'encurtiar la distancia ente Queenstone y Milford Sound, ente elles la góndola, un túnel más rápidu o un monorail, toos estos tendríen que pasar por Te Anau, lo qu'apurriría enforma al turismu d'esti pequeñu pueblu.

Milford Sound puede algamar a cuerpu traviés de la famosa travesía Milford track, daqué paecíu al camín de Santiago n'España.

Otros aspeutos editar

El 8 de febreru de 2004 arramáronse 13 000 llitros de diésel, teniendo de resultes una mancha de más de 2 km de llargu, lo que fizo cerrar el Milford Sound por 2 díes mientres delles actividaes de limpieza que llevaron a cabu. Aparentemente un mangón foi utilizada pa esviar el crudu dende unu de los tanques de los barcos turísticos, según delles declaraciones podría ser ecoterrorismo, pola gran influencia de turistes que vienen nos últimos años. El derrame foi llimpiáu por completu y al paecer los daños causaos fueron mínimos.

Cerca de Milford Sound rodáronse delles escenes de Argonath n'El Señor de los Aniellos: La Comunidá del Aniellu

Galería editar

Detalle d'un tabayón.
Vista xeneral del fiordu.
Cantiles na aguada norte nun día húmedu y neblinoso.
Milford Sound nun claru día de branu.
Stirling Falls.
Vista a l'amanecida.
Carretera nes cercaníes del fiordu.