Mimus gundlachii

Les especies d'aves con nome común en llingua asturiana márquense como ^NOA. En casu contrariu, conséñase'l nome científicu.

Mimus gundlachii
Estáu de caltenimientu
Esmolición menor (IUCN)
Clasificación científica
Reinu:	Animalia
Filu:	Chordata
Clas:	Aves
Orde:	Passeriformes
Familia:	Mimidae
Xéneru:	Mimus
Especie:	M. gundlachii Cabanis, 1855
Distribución
Consultes
[editar datos en Wikidata]

Mimus gundlachii ye una especie d'ave paseriforme de la familia Mimidae. Habita en Cuba, Xamaica y Les Bahames.

Nomes

Mimus en llatín significa “imitador”, pola habilidá de delles especies d'esti xéneru p'asonsañar el cantar d'otres aves, gundlachii por ser dedicáu al zoólogu xermanu-cubanu Juan Gundlach. ‘Sinsonte’, voz d'orixe mexicanu (cenzontle), ye'l nome común cubanu de les aves d'esti xéneru, cuantimás de M. polyglottos, y ‘prieto’ pol so color más escuru qu'esta postrera.

Distribución

Habita nos grandes cayos del Archipiélago Sabana-Camagüey del norte de Cuba, en Les Bahames y en Xamaica. Vive en carbes baxes, con pocos árboles, cercanos a la mariña, que presenten camperes y palmes.

Descripción

Miden unos 28 cm de llargu. L'envés ye gris parduzu y les partes inferiores más blancucies. Nel envés, los llaterales y enriba nel pechu tien les plumes con rayes pardu escures. El gargüelu tien nos sos cantos dos rayes negres como bigotes. La cola tien puntes blanques. Los pies y el picu son coritos. Aliméntase d'inseutos y frutes pequeñes.

Nial

Añeren d'abril a xunu n'arbustos altos. Ponen tres güevos de color blancu parduzu con manches.

Caltenimientu

Ye una ave rara acutada a bien pequeñes árees que tán teniendo desenvolvimientu turísticu.

Bibliografía

• Garrido, O.H.; Kirkconnell, A. (2000). Birds of Cuba. Helm Field Guides, Londres. 253 pp.

Enllaces esternos

• Wikimedia Commons acueye conteníu multimedia sobre Mimus gundlachii.

• Datos: Q2225329
• Multimedia: Mimus gundlachii
• Especies: Mimus gundlachii