Abrir el menú principal

Mozárabe (llingua)

Romanía
Esti artículu forma parte de la serie
Llingües romániques
Grupos llingüísticos

Iberorrománicu


gallegu-portugués
astur
español
aragonés
catalán-valencianu
mozárabe

Galorrománicu
Retorrománicu
Italorrománicu
Balcanorrománicu
Sardorrománicu

Llámase llingua mozárabe al conxuntu de fales romances que se falaron na Península Ibérica na Edá Media nes rexones so dominiu musulmán. Conocemos esta llingua poles carxes que rematen les muaxahes compuestes en llingua árabe o hebrea polos poetes andalusíes; y tamién por diferentes elementos conteníos nos trataos andalusíes escritos n'árabe, polos llibres de repartiment de los conquistadores catalanes, asina como polos elementos lexicales y toponímicos dexaos nos romances hispánicos que substituyeron el mozárabe nos sos territorios primitivos.

El substratu de la llingua mozárabe considérase responsable de parte de les diferencies ente'l catalán y el valencianu, ente'l gallegu y el portugués septentrional (d'una parte) y el portugués centromeridional (d'otra), y del castellanu septentrional y meridional.