Muséu de los bolos d'Asturies

El Muséu de los bolos d'Asturies ye un muséu temáticu dedicáu a los bolos. Allúgase na villa de Panes, capital del conceyu asturianu de Peñamellera Baxa, y foi inauguráu'l 19 d'abril de 2003.

Muséu de los bolos d'Asturies
Muséu de los bolos d'Asturies.jpg
Llocalización
PaísBandera d'España España
AutonomíaFlag of Asturias.svg Principáu d'Asturies
Provinciaprovincia d'Asturies
ConceyuEl Valle Baḥu de Peñamellera
ParroquiaPanes
Historia y usu
Apertura2003
Visitantes añales 2000
Web oficial
Cambiar los datos en Wikidata

El muséu surdió como una idea de l'Asociación Bolística Pico Peñamellera, y la so construcción tuvo'l sofitu d'esa asociación, del ayuntamientu del conceyu, de la Conseyería de Cultura, Comunicación Social y Turismu del Principáu d'Asturies, del Consorciu pal Desarrollu Rural del Oriente d'Asturies y del programa Leader+ de la Xunión Europea. El so oxetivu cimeru ye caltener la memoria hestórica del xuegu de los bolos.

Asítiase na zona vieya de la villa de Panes. L'edificiu del muséu, construyíu especialmente pa ello, fai les veces tamién d'edificiu anexu a la bolera de La Plaza, asitiada al oeste del edificiu. Esti ye d'estilu neomontañés, y tien dos plantes de 120 metros cuadraos construyíos. La d'arriba ta dedicada a la esposición, mentanto que la d'abaxo, amás de sitiu pa esposición, abeyuga tamién los vestuarios de la bolera, los baños, la receición y l'almacén del muséu.