Mustelus canis
Mustelus canis ye una especie de tiburón de la familia Triakidae. Ye de color gris oliva o marrón, y puede presentar tonos mariellos o blancos abuxaos. Les femes lleguen a vivir dieciseyes años y los machos, diez. Esta musola foi'l primer tiburón nel que se diagnosticó una infeición viral.[1]
Mustelus canis  | ||
|---|---|---|
 | ||
| Estáu de caltenimientu | ||
 Cuasi amenazáu (IUCN 3.1) | ||
| Clasificación científica | ||
| Reinu: | Animalia | |
| División: | Chordata | |
| Clas: | Chondrichthyes | |
| Orde: | Carcharhiniformes | |
| Familia: | Triakidae | |
| Xéneru: | Mustelus | |
| Especie: |
M. canis (Mitchill, 1815) | |
| Distribución | ||
 | ||
| Consultes | ||
| [editar datos en Wikidata] | ||
Tamañu y crecedera editar
El llargor de Mustelus canis algama los 1,5 m, y el so pesu máximu ye de 12 kg. Llega a estes dimensiones máximes a los siete o ocho años d'edá. El tamañu permediu d'esti tiburón ye d'aproximao 1,2 m. Esta especie medra rápido, pos los machos algamen el maduror a los dos o tres años d'edá, y les femes, a los cuatro o cinco.
Hábitat editar
Habita con frecuencia en badees y otres zones cercanes a la mariña, y prefier agües poco fondes de menos de 18 m de fondura, pero puede atopase a fondures de 200 m. Esta especie tamién se tien visto n'agua duce anque ye poco probable que sobreviva neses estayes por periodos prolongaos de tiempu. Mustelus canis emigra según la temporada, pos mueve al norte na primavera y al sur na seronda. Ye una especie predominantemente nocherniega.
Alimentación editar
Mustelus canis ye un depredador carroñeru y comenenciosu que s'alimenta principalmente de grandes crustáceos, incluyendo llagostes, camarones y cámbaros, y pexes pequeños y moluscos. Dalgunos de los pexes pequeños que son cazaos por Mustelus canis inclúin a la llacha y a la tautoga. Los exemplares nuevos aliméntense de pequeños cábaros, xagorra y cámbaros.
Reproducción editar
El apareamientu asocede en práuticamente tol so rangu de distribución de mayu a xunetu. Dempués d'un periodu de xestación que varía de los diez a los once meses, la madre da a lluz a una camada que va de los cuatro a los venti alevinos ente fines de la primavera y principios del branu. Les femes de mayor tamañu tienden a tener más críes.
Rellación colos seres humanos editar
En ciertes árees, la carne de Mustelus canis comercialízase fresco o en salazón pal consumu humanu. Tamién se usa con frecuencia como animal de llaboratoriu y pa decorar acuarios.
Referencies editar
- ↑ L. Leibovitz y S. S. Lebouitz (1985). «A viral dermatitis of the smooth dogfish, Mustelus canis (Mitchill)» (n'inglés). Journal of Fish Diseases 8 (3): páxs. 273–279. doi:.
- Conrath, C. (2005). Conrath, C. (2005). «Mustelus canis» (inglés). Llista Roxa d'especies amenazaes de la UICN 2011. Consultáu'l 20 de xunu de 2012.
- Sistema Integráu d'Información Taxonómica. «Mustelus canis (TSN 160230)» (inglés).(inglés).
- "Mustelus canis". En FishBase (Rainer Froese y Daniel Pauly, eds.). Consultada en xunu de 2012. N.p.: FishBase, 2012.
Enllaces esternos editar
Wikimedia Commons acueye conteníu multimedia sobre Mustelus canis.
| Wikispecies tien un artículu sobre Mustelus canis. |
Datos: Q941962- Multimedia: Mustelus canis
Especies: Mustelus canis
