Myrtelle Canavan
Myrtelle May Moore Canavan[1] (24 de xunu de 1879, Greenbush Township – 4 d'agostu de 1953, Boston), foi una médica ya investigadora médica d'Estaos Xuníos. Foi una de les primeres patólogues muyeres, y ye reconocida por publicar una descripción de la enfermedá de Canavan en 1931.
Myrtelle Canavan | |
|---|---|
.jpg) | |
| Vida | |
| Nacimientu | Greenbush Township, 24 de xunu de 1879 |
| Nacionalidá |
 Estaos Xuníos |
| Muerte | Boston, 4 d'agostu de 1953 (74 años) |
| Causa de la muerte | Enfermedá de Parkinson |
| Estudios | |
| Estudios |
Universidá de Michigan Universidad Drexel (es)  Universidá de Michigan State University of Michigan Medical School (en) |
| Oficiu | médica, patóloga, bióloga clínica, escritora de ciencia, neurocientífica |
 | |
Vida y carrera
editarNacida en Greenbush Township, St. Johns, Michigan, estudió na Universidá Agrícola Estatal (güei Universidá Estatal de Michigan), Escuela Médica, y nel Women's Medical College de Pennsylvania, onde recibió'l so M.D. en 1905.[2]
En 1905, casóse col Dr. James F. Canavan.[2]
En 1907, nomáronla bacterióloga asistente nel Danvers Hospital Estatal de Massachusetts, au conoció a Elmer Ernest Southard.[2][3] En 1910, sería patóloga residente nel Boston Hospital Estatal y en 1914 nomada patóloga nel Departamentu d'Enfermedaes Mentales de Massachusetts. Foi tamién instructora de neuropatoloxía na Universidá de Vermont.[3]
Dempués del decesu de Southard en 1920, Canavan foi direutora suplente de los Llaboratorios del Boston Psychopathic Hospital, que más tarde sería'l Centru de Salú Mental de Massachusetts[3]. De 1920 hasta la so xubilación en 1945, foi profesora acomuñada de neuropatoloxía na Universidá de Boston y curadora del Warren Muséu Anatómicu na Escuela Médica Harvard, onde añadió más de 1.500 especímenes y tamién ameyoró'l caltenimientu de rexistros y refugó los especímenes estropiaos.[3][2][4] Entá asina, el so títulu oficial yera "curadora asistente" por cuenta d'oxeciones a qu'una muyer encabezara al muséu, y nunca foi nomada na Facultá de Harvard.[3][1]
Myrtelle finó de párkinson en 1953.[3]
Investigaciones
editarLes sos investigaciones centráronse nos efeutos de dañu del sistema nerviosu na mente y cuerpu. Tamién sintióse bien interesada en bacterioloxía; el primeru de los sos 79 artículos que publicó foi sobre disentería bacilar; y, el primer artículu en coautoría con Southard sobre invasiones bacterianes de sangre y fluyíu cerebroespinal.[3] Estudió la patoloxía de les enfermedaes qu'afeuten el nerviu ópticu, bazu, cerebru, y gordón espinal, y desaminó casos de muerte repentina, esclerosis múltiple, y hemorraxes microscópiques.[3] Por alcuerdu previu, fizo la necropsia, en Bunker, de Frank Gilbreth, identificando l'arteriosclerosis que causara la so muerte.[5] Y en 1925, espublizó "Elmer Ernest Southard and His Parents: A Brain Study" (Elmer Ernest Southard y los sos padres: Un Estudiu del Cerebru), un informe del exame de los celebros del so mentor y los sos padres.[4] Ella tamién entrenó a la neuropatóloga Louise Eisenhardt, que foi una esperta renomada en diagnosticar tumores de cerebru. En 1959 acreditóse-y la formación de 70% de los neurociruxanos que depués certificaben.[1][4] Tuvo un interés particular na neuropatoloxía de les enfermedaes mentales. Con Southard y otros, contribuyeron a una serie de monografíes "Waverley Researches in the Pathology of the Feeble-Minded" (Investigaciones Waverley na Patoloxía del Débil Mental.[2]
El so más importante artículu coescribiólu en 1931, falando del casu d'un neñu que morriera, a los dieciséis meses; y, que'l so cerebru tenía una seición blanca esponxosa. Asina, foi la primera n'identificar esi desorde dexenerativu del sistema nerviosu central, que más tarde foi nomáu col so epónimu "enfermedá Canavan."[3]
Ver tamién
editarReferencies
editar- ↑ 1,0 1,1 1,2 Dr. Myrtelle Canavan, M.D. Archiváu 2008-11-22 en Wayback Machine HMS/HSDM Joint Committee on the Status of Women (JCSW) vistu 21 de xunetu 2009.
- ↑ 2,0 2,1 2,2 2,3 2,4 Canavan, Myrtelle M. (Myrtelle May), b. 1879.
- ↑ 3,0 3,1 3,2 3,3 3,4 3,5 3,6 3,7 3,8 Dr. Myrtelle May Canavan National Library of Medicine: Changing the Face of Medicine: Physicians.
- ↑ 4,0 4,1 4,2 Mentor 1: Myrtelle M. Canavan Archiváu 2009-11-07 en Wayback Machine The Stethoscope Sorority: Stories from the Archives for Women in Medicine.
- ↑ Lancaster, Jane. (2004) Making Time.
Enllaces esternos
editar
Datos: Q261166
Multimedia: Myrtelle Canavan
