Near Earth Asteroid Tracking
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
El Near Earth Asteroide Tracking (NEAT) ye un programa concebíu pa la busca d'asteroides que viaxen averaos a la Tierra y que puen entrar en ruta de colisión. Ta dirixíu pola NASA y pol Jet Propulsion Laboratory (JPL). El sistema NEAT emprimó les sos observaciones n'avientu de 1995.
El NEAT básase nun alcuerdu de cooperación ente NASA/JPL y la Fuercia Aérea de los EEXX pa la utilización de los telescopios GEODSS, allugaos en Haleakala, Maui, nel estáu de Ḥawai.
GEODSS ye un acrónimu de "Ground-based Electro-Optical Deep Space Surveillance", que podría tornase como Vixilancia Electro-Óptica del Espaciu Profundu basada nel suelu.
Estos telescopios foron proyeutaos pa permitir el restreamientu de naves espaciales n'órbita de la Tierra. L'equipu del NEAT desenrolló una máquina fotográfica con CCD y un sistema d'ordenadores pa los telescopios del GEODSS. El sistema tien una resolución de 4.096 x 4.096 píxels, con un campu de visión de 1,2 graos por 1,6 graos.
A partir d'abril de 2001 un telescopiu del Observatoriu del Monte Palomar, con 1,2 m d'abertura, tamién entamó a ser utilizáu pa obtener oxetos próximos a la Tierra. Esti telescopiu ta equipáu con tres máquines fotográfiques.
Amás de descubir miles d'asteroides, tamién se-y atribúi al NEAT la descubrición del cometa 54P/de Vico-Swift-NEAT y de la estrella de movimientu propiu Teegarden.
L'asteroide NEAT recibió en 2005 esi nome n'honor al proyeutu NEAT.
Referencies
editarEnllaces esternos
editar- (n'inglés) Web de la NASA sobre'l Near Earth Asteroid Tracking Archiváu 2018-04-17 en Wayback Machine
Datos: Q1140499
