Nicolás Bardio
Nicolás Bardio (19 de febreru de 1987, Uviéu), ye un escritor y novelista asturianu. Ye llicenciáu en ciencies polítiques pola Universidá Complutense de Madrid, máster en Información y Comunicación con especialidá en periodismu pola Universidá Llibre de Bruxeles y escritor n'asturianu y castellanu.
Nicolás Bardio | |
|---|---|
| Vida | |
| Nacimientu | Uviéu[1], 19 de febreru de 1987 (37 años) |
| Nacionalidá |
 España |
| Estudios | |
| Estudios |
Universidá Complutense de Madrid Universidá Llibre de Bruxeles |
| Llingües falaes |
asturianu castellanu |
| Oficiu | escritor, novelista, traductor, politólogu |
 | |
En narrativa tien asoleyaes les noveles Sol Reló (2008) cola editorial Trabe y Cuando ensamen les abeyes[2] (2011) cola editorial Suburbia Ediciones. Tamién tien participao en obres coleutives, siempre en prosa, como les esbilles lliteraries Vía de Serviciu, Formientu o Estandoriu.
En 2019 recaudó más de 12.000 € pal que va ser el primer xuegu de rol n'asturianu: Depués d'ochobre. Un xuegu de rol ucrónicu d'espionaxe ambientáu na República Socialista Soviética d'Asturies, un estáu qu'asocede a la República Obrera y Campesina d'Asturies y que forma parte de la Xunión Soviética. Esi mesmu añu, gana'l Premiu Asturies Xoven de Narrativa 2019, con una novela ambientada nel mesmu universu de Depués d'ochobre: La Colomina 36.
En lliteratura infantil tien ganáu'l 1ᵉʳ Premiu Asturnews de lliteratura infantil y xuvenil[3] col rellatu Les nueches azules del llúnada.
Amás de la narrativa de ficción, escribe y tien escritos artículos d'analís políticu y d'opinión pa dellos medios de comunicación asturianos y españoles como La Voz de Asturias, Asturias 24, Atlántica XXII, Contexto y Aición[4] o La-politica.com.
Premios
editar- I Premiu Asturnews de lliteratura infantil y xuvenil col rellatu Les nueches azules del llúnada.
- Premiu Asturies Xoven de narrativa 2019 cola novela La Colomina 36.
Obres
editarEn solitariu
editar- Sol Reló (Trabe, 2008) Novela
- Cuando ensamen les abeyes (Suburbia, 2011) Novela
- La Colomina 36 (Trabe, 2020) Novela
- Depués d'ochobre (Radagast, 2020) Xuegu de rol
- Del llau del nigromante (Radagast, 2020) Novela
- La embaxada prieta (Hoja de Lata, 2021) Novela
En llibros coleutivos y antoloxíes
editar- Vía de serviciu (Suburbia, 2007) Rellatos
- Formientu (Xareos!, 2006)
- Formientu II (Xareos!, 2007)
- Estandoriu (2010)
- Fecho na cuarentena (Ediciones Radagast, 2020)
Referencies
editar- ↑ URL de la referencia: https://www.lavozdeasturias.es/noticia/agora/ciencia-cultura/2020/05/26/publicase-colomina-36-novela-ucronica-ambientada-na-asturies-sovietica-1970/00031590512037512909311.htm.
- ↑ [1], Europa Press consultáu'l 30 d'abril de 2018
- ↑ [2] El Comercio , consultáu'l 30 d'abril de 2018
- ↑ [3] Ctxt consultáu'l 30 d'abril de 2018)
Enllaces esternos
editar
Datos: Q52356543
