Norte Xixón

Norte Xixón foi una peña o grupu d'aficionaos del Real Sporting de Xixón de calter antifascista y mayormente independentista asturianu. La so actividá duró ente los años 1986 hasta casi 1998, onde'l grupu por munches razones, ente les que destaquen los problemes cola policía, les obres pa poner los asientos nel fondu norte y los problemes cola hinchada de calter ultraderechista Ultra Boys, qu'asitiabase nel fondu sur, llevaron a los componentes del grupu a desanicialu.

Norte Xixón
barra brava (es)
Direición	España

Ente los años 1984 a 1998, en Norte Xixón hebo munches coses que cuntar. El grupu entamó nel 86, col nome de Norte Gijón y HFN (hinchada fondo norte), pero a los pocos años el nome del grupu pasó a ser n'asturianu. Nestos años d'actividá el grupu asoleyó munchos númberos de fancines, pegadielles, chapes, camisetes y dos modelos de bufandes, destacando la del XX aniversariu. Amás de sacar un cassette nomáu "7 pulmones". Tamién durante la vida del grupu n'activu fizo munchos viaxes a sitios talos como Valladolid, Bilbo, Donostia, Vigo, A Coruña, Logroño, Santander y otros campos de l'Estáu español.

El grupu sportinguista caltenía bona rellación con xente d'Herri Norte Taldea, los aficionaos del Athletic de Bilbao, sobre too cola so seición d'Avilés, con xente de Celtarras, del Celta de Vigo o con aficionaos de la Real Sociedad (Peña Mujika). Destaca la so enemistá con tolos grupos del Real Uviéu (Brigadas Azules y Chiribis), colos Ultra Violetas del Valladolid y sobre too Batallón Gijón del Sporting de Xixón; ésta más por puros motivos ideolóxicos. Dicir tamién que los ultres uvieínos d'anguaño, Symmachiarii, copiaron un llogotipu de Norte Xixón, un perru, pa facer d'esti el so llogo oficial.^{[ensin referencies]}

Dientro'l grupu había xente variao enforma, anque destacaben los skinheads y los mods, ambos con seiciones dientro la peña (Red Skins Xixón y Stewarts, respeutivamente). Tamién hebo gran númberu d'heavies, rockers y xente ensin tar catalogada en denguna tribu urbana n'especial. Na grada'l grupu tuvo ente 100 socios nos sos meyores años y muncho material como banderones y pancartes. Destaca'l banderón desplegáu nel partíu escontra la U.E. Lleida nel que'l míticu equipu xixonés xugabase'l poder caltenese en Primer división. Tamién yera destacable el so enfotu en facer llegar a la xente el so mensaxe antirracista, independentista y d'izquierdes, siempres intentando emplegar la llingua asturiana nel so material. Dempués de la desapaición d'esti grupu, munchos intentaron facer daqué asemeyáu nel gol norte d'El Molinón con intentos como Xaréu Fondu Norte.

Enllaces esternos

• Datos: Q13147813