Nuberu (grupu)
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Nuberu ye un grupu d'Asturies que cancia n'asturianu. Ta formáu por Chus Pedro y Manolo Blanco Peñayos. Surden nel añu 1976 dientro del coleutivu cultural Camaretá, del conceyu de Samartín del Rei Aurelio. Esi mesmu añu debuten nel Día de la Cultura qu'entamaben en La Carbayera de los Maizales de Xixón dellos coleutivos de la ciudá vinculaos a los grupos d'izquierda.
| Nuberu | ||
|---|---|---|
 | ||
| Datos xenerales | ||
| Orixe |
L'Entregu Samartín del Rei Aurelio  Asturies | |
| Información artística | ||
| Xéneru(os) | Nuevu canciu | |
| Periodu d'actividá | 1976 a 2008 | |
| Miembros | ||
|
Chus Pedro Manolo Blanco Peñayos | ||
| Enllaces esternos | ||
| Sitiu web oficial | http://www.nuberu.com/ | |
| Discogs | 2252624 | |
| [editar datos en Wikidata] | ||
Nuberu caracterízase por ser un dúu que cancia nuna llingua que nun existe, oficialmente. Y son unos de los mas aférrimos defensores de la llingua como perbién lo retraten nos cancios.
En 1977 grabaron el so primer discu, nel que collaboraba'l cantante Víctor Manuel que punxo la voz nel tema d'Aida de la Fuente. Dende entós vienen grabando soníos populares dándo-yos un toque modernu o faciendo composiciones propies.
A lo llargo de la so carrera, Nuberu tien actuao con músicos como Víctor Manuel, Ana Belén, Rosa León, Quilapayún, la Coral Polifónica de Sotrondio, Ilegales, Dixebra, Llan de Cubel, Tejedor, Luis Eduardo Aute o Jerónimo Granda, magar que nel so repertoriu enxamás escaecen les sos señes d'identidá, y cantaben lletres comprometíes cola so tierra, como por exemplu la renomada Aida de la Fuente, o Dios te llibre de Castiella.
El 20 d'ochobre de 2007 Chus Pedro y Manolo Blanco Peñayos anuncien la disolución del grupu[1].
Nel branu de 2008 el dúu pon a la venta l'ultimu discu que foi grabau nel Xareu d'Ochobre de Cangues (2007). La caxa trai un doble CD y un DVD del mesmu conciertu. Nel mesmu periodu foi grabau un documental por TPA, con intención de sacalu per televisión unos meses dempués.
Discografía
editar- Asturies, ayer y güei (1977)
- Atiendi, Asturies (1980)
- Cancios d'un país (1981)
- Glayíos d'un país (1984) (recopilatoriu)
- Mineros (1987)
- Como tú yes (1991) (direutu)
- Agua de la fonte clara (1993)
- L'árbol de Navidá (1994)
- Nuberu nel tiempu (2002)
- Tributu a Nuberu (2008)
Referencies
editar
Datos: Q3395716
