Nueve

El nueve (9) ye'l númberu natural que sigue al ocho y preciede al diez.

Nueve
[editar datos en Wikidata]

Esti artículu ye pal númberu 9. Pal añu 9, ver 9.

Propiedaes matemátiques

• El 9 ye un númberu compuestu, que tien los siguientes factores propios: 1 y 3. Como la suma de los sos factores ye 4 < 9, trátase d'un númberu defeutivu.
• 9 ye'l cuadráu de 3.
• Un polígonu de 9 llaos recibe'l nome d'eneágonu.

Aritmética del númberu 9

Raigañu dixital d'un númberu

Si sumamos toles cifres d'un númberu, y depués toles cifres de la suma, y siguimos hasta llograr un númberu d'una sola cifra, llogramos el raigañu dixital del númberu anicial.

Lóxicamente, cualquier númberu natural que contenga unu o más nueves como una de les sos cifres, la suma de les sos cifres (y, si ye necesariu, les del númberu resultante de la suma, hasta que la resultancia sía un númberu d'una cifra) va dar un resultáu idéntica a la adición de les mesmes cifres si'l númberu nueve nun tuviera presente.

Exemplu: 19 => 1 + 9 = 10 => 1 + 0 = 1

Asocede igual, si'l númberu contién más nueves:

Nel númberu natural 123456789, la suma de les cifres constituyentes agregu individualmente va ser idéntica a la suma de los díxitos nel númberu 12345678; porque 1 + 2 + 3 +…+ 8 + 9 = 45, y 4 + 5 = 9 da la mesma resultancia que 1 + 2 + 3 +…+ 7 + 8 = 36, y 3 + 6 = 9

Esta propiedá ye utilizada pa comprobar la certidume de la resultancia en multiplicaciones y divisiones, pente medies de la prueba del nueve.

Intereses

• Ye'l númberu atómicu del flúor.
• El nueve (九) ye un númberu de mal badagüeyu na cultura xaponesa, pero de bon badagüeyu na cultura china.
• Nos países anglosaxones, los gatos tienen nueve vides.
• Na mitoloxía Mexica, hai nueve infiernos.
• Ye'l numberu que suelen usar los centros delanteros en fútbol.

Enllaces esternos

(castellán)* Curiosidaes sobre'l númberu 9

Predecesor: 8

Númberos 9

Socesor: 10

• Datos: Q19108
• Multimedia: 9 (number)