Océanu Glacial Antárticu
L'océanu Antárticu , océanu glacial Antárticu, tamien Océanu Austral, estiéndese dende la costa antártica hasta los 60º S, llende convencional col Océanu Atlánticu, l'Océanu Pacíficu y l'Océanu Índicu. Ye'l penúltimu océanu n'estensión: namái l'Océanu Árticu ye más pequeñu. La so estensión foi afitada pola Organización Hidrográfica Internacional nel añu 2000 y coincide coles llendes fixaes pol Tratáu Antárticu.[1]
| Océanu Glacial Antárticu | |
|---|---|
 | |
| Situación | |
Condominio (es)  | Rexón del Tratáu Antárticu |
| Tipu | océanu |
| Parte de | Océanu Mundial |
| Coordenaes | 65°S 90°E / 65°S 90°E |
| Datos | |
| Superficie | 20 327 000 km² |
| Noamáu por | sur y L'Antártida |
| Fondura |
7235 m 7235 m |
 | |
L'Océanu Antárticu ye'l únicu n'arrodiar dafechu el globu terráqueu, ya endolca toa L'Antártida. Tien una superficie de 20.327.000 km² una cifra qu'inclúi a los mares periféricos: el Mar d'Amundsen, el Mar de Bellingshausen, parte del Pasaxe de Drake, el Mar de Ross y el Mar de Weddell. La tierra firme ye visible sobro l'océanu con 17.968 km de costa.[2][3].
Islles
editarPola naturaleza del so suelo, l'océanu austral tien poques islles, con excepción d'aquelles situaes nel continente antárticu, sin embargu, podemos citar:
- Islles Balleny: formen una cadena d'islles despoblaes, a la vera del círculu polar antárticu.
- Islla Bouvet: ye una islla baxo soberanía noruega asitiada nel Atlánticu Sur, a 1600 km de les mariñes de la Tierra de la Reina Maud.
- Islla Joinville: ye la más grande del archipiélagu d'islles subantártiques del mesmu nome, que s'estiende al estremu noroeste de la Península Antártica.
- Islles Orkney del Sur: son un archipiélagu antárticu.
- Islla Pedru I
- Islla Scott: ye una pequeña islla despoblada d'orixe volcánicu que s'alcuentra nel mar de Ross, nel océanu antárticu, a 505 kilómetros al noroeste del cabo Adare.
- Islles Orcades del Sur: ye un archipiélagu de islles antártiques situaes a unos 120 km al norte de la Península Antártica; tola redolada tien la soberanía qu'establez el tratáu antárticu.[4]
Seres vivos
editarPingüín macaroni (''Eudyptes chrysolophus'') Machu d'osu marín antárticu (''Arctocephalus gazella'') Tien poques especies d'animales y vexetales, sicasí, les sos poblaciones son bien numberoses (especialmente les d'esponxes, que paez que son tan abondoses como nos mares de clima tropical). Amás, podemos atopar tanto seres bien pequeños (como por casu, el fitoplancton y el krill) como los más grandes qu'esistieron nunca nel nuesu planeta, el rorcual azul, Balaenoptera musculus.
Flora
editarTocantes a la flora, los organismos autótrofos marinos son los únicos representantes: fitoplancton y algues marines.
Crustáceos
editarLos crustáceos eufausiáceos (sobremanera de la especie ''Euphausia superba'') son l'elementu básicu de la cadena alimentaria, yá que alimentense de plancton y al memu tiempu ellos mesmos son l'alimentu básico de pexes, páxaros, pinnípedos y cetáceos.
Peces
editarLos pexes qu'atopamos pertenecen a grupos primitivos, especialmente nel grupu endémicu de los nototénidos. Son pexes de clima polar que s'afixeron perbién a vivir n'ambientes fríos por aciu la producción de molécules anticonxelantes, que torguen la crecedera de cristales de xelu nel interior de los sos cuerpos.
Páxaros
editarTamién acostumen a ser endémicos d'esti océanu. Asina, hai diverses especies de pingüinos (como por casu, el pingüín emperador, ''Aptenodytes forsteri'', el pingüín de Adelia, Pygoscelis adeliae , el pingüín juanito Pygoscelis papua , el pingüín barbijo, Pygoscelis antarctica , el pingüín rei Aptenodytes patagonicu, Eudyptes chrysocome, el pingüín macaroni, Eudyptes chrysolophus, etc.), albatros (Diomedea), petreles, Procellaria Oceanites), fulmares o petreles glaciales, Procellariidae (Fulmarus), mabees (Phalacrocorax), gaviotines (Sterna) y cágalos (Stercorarius).
Mamíferos
editarDestaquen las ballenes (Balaenoptera), les foques (Lobodon, Hydrurga), los leones marinos (Arctocephalus) y los elefantes marinos (Mirounga). Son especies bien adaptaes a les difíciles condiciones ambientales antártiques porque tienen una gruesa capa de grasa so la piel o una capa de pelaxe mestu. D'ente los más representativos tenemos la foca de Weddell (Leptonychotes weddellii), la foca de Ross (Ommatophoca rossii), la foca cangrejera (Lobodon carcinophagus), la foca leopardo (Hydrurga leptonyx), el elefante marino meridional (Mirounga leonina), el oso marino antártico (Arctocephalus gazella), el rorcual azul (Balaenoptera musculus), el rorcual común (Balaenoptera physalus), el rorcual boreal (Balaenoptera borealis), el rorcual aliblanco (Balaenoptera acutorostrata), el zifio calderón austral (Hyperoodon planifrons), el cachalote (Physeter macrocephalus), el zifio de Arnoux (Berardius arnuxii) y el delfín cruzado (Lagenorhynchus cruciger), la única especie de delfín que habita nestes agües.
- Nota: La población de foques (agora protexies), ta recuperándose dempués de los escesos na caza en de los siglos XVIII ya XIX.
Referencies
editar- ↑ «Así es el océano Austral: el nuevo océano oficialmente reconocido en la Tierra» (castellanu) (2021-06-15). Consultáu'l 2023-02-13..
- ↑ Dimensión oceano, (castellán)
- ↑ Animales antárticos y les so carauterístiques
- ↑ Datos, Información del Océanu Glacial Antárticu (castellán)
Enllaces esternos
editar
Wikimedia Commons acueye conteníu multimedia sobre Océanu Glacial Antárticu.
Datos: Q7354- Multimedia: Southern Ocean
