Olive Deering

Olive Deering

Olive Deering (Olive Corn: Nueva York, 11 d'ochobre de 1918 - ibíd., 22 de marzu de 1986) foi una actriz estauxunidense n'activu dende finales de los años 40 hasta mediaos de los 60.

Olive Deering35mm film frames.svg
Olive Deering (1943).jpg
Vida
Nacimientu Nueva York11  d'ochobre de 1918
Nacionalidá Bandera de Estaos Xuníos d'América Estaos Xuníos
Fallecimientu

Nueva York22  de marzu de 1986

(67 años)
Sepultura cementerio de Kensico Traducir
Causa de la muerte cáncanu
Familia
Casáu/ada con Leo Penn
Oficiu
Oficiu actriz, actriz de teatru, actriz de televisiónactriz de cine
IMDb nm0214392
Cambiar los datos en Wikidata

BiografíaEditar

Nacida en Nueva York, el so nome verdaderu yera Olive Corn, y yera hermana del actor Alfred Ryder.

La so primer actuación teatral foi un pequeñu papel en Girls in Uniform (1933). Amás, trabayó na obra de Moss Hart Winged Victory, en Ricardu II (protagonizada por Maurice Evans), en Counsellor-at-Law (con Paul Muni), y en De sópitu, l'últimu branu, obra de Tennessee Williams representada en Los Angeles y que-y dio un gran prestíu. Otres producciones nes que participó fueron Non for an Answer, Ceremony of Innocence, Marathon '33, The Young Elizabeth, They Walk Alone y Garden District.[1]

Nel mediu cinematográficu actuó en dellos filmes, ente ellos Shock Treatment, Caged, y la película de Cecil B. DeMille Sansón y Dalila, nel papel de Miriam, personaxe que retomó n'otra producción de DeMille, Los diez mandamientos.

Deering tamién trabayó en múltiples programes radiofónicos, ente ellos los seriales True Story y Against the Storm, ya intervieno en más de 200 programes televisivos, destacando'l so papel de Desdémona na producción que The Philco Television Playhouse fixo de la obra Otelo. Una de les sos últimes actuaciones televisives foi la que fixo nel episodiu de The Alfred Hitchcock Hour tituláu "One of the Family".[2]

Divorciada del actor y direutor Leo Penn, Olive Deering finó por causa de un cáncer en 1986, en Nueva York. Tenía 67 años d'edá. Foi soterrada nel Campusantu Kensico, en Valhalla (Nueva York).

NotesEditar

ReferenciesEditar

Enllaces esternosEditar