Ona Carbonell

Ona Carbonell Ballestero (5 de xunu de 1990, Barcelona) ye una nadadora española y capitana del equipu español de natación sincronizada.

Ona Carbonell
Vida
Nacimientu	Barcelona, 5 de xunu de 1990 (33 años)
Nacionalidá	España
Estudios
Llingües falaes	catalán castellanu
Oficiu
Oficiu	nadadora
Participante synchronized swimming at the 2012 Summer Olympics – women's duet (en) (2.) synchronized swimming at the 2012 Summer Olympics – women's team (en) (3.) Natación sincronizada en los Juegos Olímpicos de Río de Janeiro 2016 - Dúo (es) (4.) artistic swimming at the 2020 Summer Olympics – women's team (en) (7.)
Pesu	54 kg
Altor	174 cm
Premios	ver Premio "Deportista catalán del año"  (2013) Premio "Deportista catalán del año"  (2017) Premio "Deportista catalán del año"  (2019) 100 Muyeres  (2022)
IMDb	nm4834416
onacarbonell90.com

Trayeutoria

#Empecipiar na natación a los 10 años nel CN Kallipolis, practicando enantes ximnasia rítmica.

Participó nos Xuegos Olímpicos de Londres 2012, nos dos pruebes olímpiques de natación sicronizada. Na modalidá de dúu, al pie de Andrea Fuentes, ganó la medaya de plata y na modalidá por equipos, llogró la de bronce.

Cola salida d'Andrea Fuentes del equipu nacional en 2013, Ona Carbonell pasa a ser la solista. Nel Mundial de Barcelona 2013, nadó'l solu llibre cola música de Freddie Mercury, líder de la banda inglesa Queen, y Montserrat Caballé que sonó nos XX.OO. de Barcelona 1992. La coreografía, supervisada pola mesma Montserrat Caballé, valiéron-y pa ganar la medaya de bronce.

Respectu al dúu, tuvo distintes compañeres desque Andrea Fuentes retirárase. En 2013, Marga Crespí foi la escoyida p'acompañala nel Mundial de Barcelona y cola que ganó en dambes modalidaes (dúu téunicu y dúu llibre) la medaya de bronce.

En 2014, de resultes de la operación de cadril de Marga, Ona nadó con Paula Klamburg, nel Européu de Berlín. Per primer vegada desque tán nel podiu nunos europeos, #los españoles quedaron terceres, viéndose superaes poles ucraínes.

Nel Mundial de Kazan 2015, Ona tuvo dos compañeres en dúu: Paula Klamburg pal dúu llibre y Clara Camacho pal dúu téunicu. Foi una decisión venturera yá que nun cuntaben con Clara Camacho hasta dos meses antes de la celebración del Mundial. #Los entrenadores, a pesar de la difícil xera que suponía pa Ona camudar tantu de pareya, pensaron que yera la meyor opción dada les capacidaes téuniques de Clara. A pesar de los cambeos, Ona y los sos dos compañeres quedaron quintes nel dúu llibre y téunicu, dempués de tantos años #colgar medayes nesta modalidá.

Sicasí, Kazán supunxo pa Ona una meyora na modalidá de solu, yá que nel solu téunicu llogró la medaya de plata superando a la nadadora china. Nel solu llibre, anque nun pudo alzase cola plata, consiguió otru bronce y quedóse abondo cerca de la segunda posición.

Estos dos medayes fueron les úniques consiguíes en sincronizada en Kazán, yá que na modalidá d'equipos y combu, quedaron quintes al igual que'l dúu. Ona per primer vegada na so trayeutoria, decidió nun nadar en diches modalidaes col fin de reponese pa tar a puntu pa los Xuegos de Rio 2016.

Palmarés

Categoría absoluta

• 2 medaya de plata nel Campeonatu del Mundu 2017 na modalidá de solu téunicu y solo llibre.
• 1 medaya de bronce nel Campeonatu del Mundu 2015 na modalidá de solu llibre.

• 1 medaya de plata nel Campeonatu del Mundu 2015 na modalidá de solu téunicu.

• 2 medayes de plata nel Campeonatu Européu de 2014 en solu y combu.
• 2 medayes de bronce nel Campeonatu Européu de 2014 en dúu (con Paula Klamburg) y equipu.
• 3 medayes de plata nel Campeonatu Mundial de Natación de 2013, en rutina téunica, en rutina llibre por equipos y combináu llibre.
• 4 medayes de bronce nel Campeonatu Mundial de Natación de 2013, en solu y dúu (téunicu y rutina llibre) con Margalida Crespí.
• 1 medaya de plata nos Xuegos Olímpicos de Londres 2012, na modalidá dúu (con Andrea Fuentes).
• 1 medaya de bronce nos Xuegos Olímpicos de Londres 2012, na modalidá por equipos.
• 2 medayes d'oru nel Campeonatu Européu de 2012 n'equipu y combu.
• 1 medaya de plata nel Campeonatu Européu de 2012 en dúu (con Andrea Fuentes).
• 4 medayes de bronce nel Campeonatu del Mundu 2011 n'equipos (téunica y llibre) y dúu (téunica y llibre) con Andrea Fuentes.
• 3 medayes de plata nel Campeonatu Européu de 2010 en dúu (con Andrea Fuentes), equipu y combu.
• 1 medayes d'oru en Campeonatu del Mundu 2009 en Combinación (llibre).
• 2 medayes de plata nel Campeonatu del Mundu 2009 n'equipos téunicu y llibre.
• 2 medayes d'oru nel Campeonatu Européu de 2008 n'equipos y combu.
• 1 medaya de plata nel Campeonatu del Mundu 2007 n'equipos (rutina llibre).
• 1 medaya de bronce nel Campeonatu del Mundu 2007 n'equipos (rutina téunica).

Categoría júnior

• 1 medaya de bronce nel Campeonatu Mundial Júnior 2008 n'individual.

• 2 medayes de plata nel Campeonatu Européu Júnior 2008 en solu llibre y en rutina llibre por equipos.
• 1 medaya de plata nel Campeonatu Européu Júnior 2008 en dúu llibre.

Condecoraciones

Distinción	Añu
Medaya de Plata Real Orde del Méritu Deportivu	2013

Enllaces esternos

• Wikimedia Commons acueye conteníu multimedia sobre Ona Carbonell .
• Sitio web oficial
• Ona Carbonell en Twitter

• Datos: Q952382
• Multimedia: Ona Carbonell