Opodiphthera eucalypti

Opodiphthera eucalypti;
Clasificación científica
Reinu:	Animalia
Filu:	Arthropoda
Clas:	Insecta
Orde:	Lepidoptera
Familia:	Saturniidae
Xéneru:	Opodiphthera
Especie:	O. eucalypti; (Scott, 1864)
Consultes
	[editar datos en Wikidata]

La Opodiphthera eucalypti ye una especie de poliya nativa d'Australia que puede atopase fácilmente na mayoría d'estaos del país quitando Tasmania. Tamién puede atopase nes islles Norte y Sur de la vecina Nueva Zelanda, siendo nesti territoriu una especie introducida. Esta especie encontrábase antes dientro del xéneru Antheraea.

Ciclu vital

Canesba

La gata de la poliya emperador na so última etapa antes de convertiste n´pupa.

Les canesbes d'esta poliya pueden atopase enriba de fueyes nueves ente ochobre y marzu (Primavera y branu nel hemisferiu sur). Cuando les canesbes nacen, éstes son negres con pelos enriba y nodos nos sos cuerpos denominaos tubérculos. Los sos pelos nun son venenosos nin pinchen. Cuando los bárabos maurecen camuden de color y muévense a les brancas más altes, onde les fueyes son más nueves y tienres y, por tanto, más fácilmente digeribles. A la fin d'esta fase les gates yá desenvolvieron un color llamativu, teniendo arralles marielles y la mayoría del cuerpu verde, con nódulos azules y colloraos. La fase larvaria de la Opodiphthera eucalypti dura unes selmanes, dependiendo del tiempu climatolóxicu y la temperatura.

Pupa

Cuando la canesba yá ta lo suficientemente madura empieza a construyir un brotu marrón nuna branca onde suel haber una fueya que la protexe. Cuando'l filáu yá se realizó dafechu, la gata mudu la so piel y toma forma de pupa. El brotu presenta una paré aspra per fora y nidia per dientro. El brotu presenta furacos pa poder ventilar l'interior y dexar a la pupa alendar. La pupa permanez nel brotu alredor d'un añu, remaneciendo la primavera o'l branu posteriores a la so nacencia. Hubo un casu documentáu d'una pupa d'esta especie que remaneció del brotu diez años dempués.

Cuando la metamorfosis completóse, la poliya adulta regurgita un fluyíu p'allandiar el brotu y realiza un furacu na base usando unos afilaos gabitos. Esto ye vital pa poder espandir les sos ales y ensugales

Polilles adultes

La Opodiphthera eucalypti nun s'alimenta dempués de remanecer del brotu, usando solo les fuercies que-y apurre l'alimentu qu'inxirió mientres la so fase larvaria. La vida de les poliyas adultes ye curtia, d'unes míseres selmanes, les abondes como pa buscar pareya, dexar güevos y morrer. Les poliyes, como los sos canesbes, presenten una apariencia bien llamativa. La Opodiphthera eucalypt tien un valumbu d'ente unos 120 a 150 mm. La femes suelen ser más pequeñes que los machos. Presenten colores marrones. Les ales presenten cuatro prominentes círculos y distintos dibuxos simétricos. Les antenes de los machos son plumoses, ente que les de les femes son más sencielles.

Importancia biolóxica

Esti inseutu foi'l primeru en ser usáu pa faer cultivos celulares. El doctor Thomas D. C. Grace, un investigador del CSIRO, desenvolvió cuatro línees celulares a partir de los ovarios d'esta poliya y publicó les sos resultancies nel jornal Nature en 1962. Esto tuvo'l so transcendencia por cuenta de la enorme dificultá que presentaba preparar cultivos celulares d'inseutos por aquél entós. El métodu qu'inventó'l doctor Grace sigue usándose a día de güei.

Imáxenes

Güevos
Canesbes nel so segundu y tercer estáu de crecedera
Canesba en cuarta fase de crecedera.
gata texendo'l so brotu nuna caña d'ocalitu
Prueba de asentamientu nes estau de WA. tomada el 11/11/2007 en Albany WA.
Un espécime machu
Un espécime fema
Un espécime adultu