Organización territorial d'Indonesia

La República d'Indonesia ta estremada en provincies (n'indonesiu: Provinsi). Les provincies consisten en rexencies (Kabupaten) y ciudaes (Kota). Cada provincia, rexencia y ciudá tien el so propiu gobiernu y cuerpu parlamental local.

Dende la declaración de la llei númberu 22, sancionada nel añu 1999, los gobiernos llocales pueden alministrar llibremente les sos árees; sicasí, la política estranxera, la defensa (incluyendo a les fuercies armaes y a la policía nacional), el sistema xurídicu y la política monetaria entá los controla'l gobiernu nacional. Dende 2005, les autoridaes principales de los gobiernos llocales (gobernadores, rexentes y alcaldes) escuéyense direutamente por aciu eleiciones populares.

Provincies

Conocíense enantes como "nivel unu". Hai tres tipos de provincia:

Provincia

Ye una área xeográfica encabezada por un Gobernador.

Rexón semi autónoma

L'estatus de rexón semi-autónoma dase a aquelles rexones que se considera qu'apurrieron una contribución invalorable a la República d'Indonesia tanto antes como dempués de la declaración de la independencia en 1945.

Les dos rexones semiautónomes son: el territoriu especial d'Aceh y el territoriu especial de Yogyakarta.

Rexones especiales

Hai anguaño una Rexón especial, la de la capital, Xakarta.

Rexencies y ciudaes

Conocíense enantes como "nivel dos". Na actualidá, son tantu Rexencies (Kabupaten) como ciudaes (Kota or Kotamadya)'.

Les diferencies ente rexencies y ciudaes esta nes diferencies demográfiques, de tamañu y económiques.

Les rexencies tán encabezaes por un rexente (Bupati) ente que les ciudaes tienen un alcalde (Walikota).

Sub-distritos

Los sub-distritos (Kecamatan) conformen el tercer nivel de l'alministración y esisten dientro de les rexencies y de les ciudaes. Tán encabezaes por un Camat.

Pueblos

El siguiente nivel esistente ye'l de pueblu (desa or kelurahan).

Desa

N'indonesiu, Desa tien una connotación rural. Nel contestu de l'alministración gubernamental n'Indonesia la Desa puede ser definida como una estructura na qu'una autoridá local rixe acorde cola conocencia de les tradiciones llocales.

Kelurahan

Ta nel mesmu nivel de Desa, y suel tar en redolaes urbanos. Ta encabezada por un lurah.

Vecindaes

Una vecindá ye una organización non gubernamental que ta formada pa satisfaer les necesidaes de la xente del pueblu o kelurahan. El líder de la vecindá ye escoyíu polos vecinos.

Rukun Warga

Rukun Warga (RW) consiste n'unu o más Rukun Tetangga (RT). El númberu máximu de RT en RW varia d'un Kecamatan a otru.

Rukun Tetangga

Rukun Tetangga (RT) consiste nuna agrupación de delles cases. El númberu máximu de cases nun RT varia d'un llugar a otru. Ye'l nivel más baxu na división del territoriu n'Indonesia.

Ver tamién

Referencies

Enllaces esternos

Información complementaria sobre Indonesia Archiváu 2018-02-26 en Wayback Machine en Imago Tour