Oriundo

El términu oriundo (del llatín oriundus, plural n'italianu: oriundi, en castellanu: oriundos) ye una pallabra italiana, portuguesa y castellana pa refierse a un inmigrante nun país y que los sos ancestros son d'esi país d'orixe. Esti términu utilizóse especialmente n'España pa referise a una serie de deportistes, nacíos n'América Llatina, que los sos ascendientes fueron emigrantes españoles. El términu tamién s'utiliza nun sentíu similar n'Italia.

Los futbolistes oriundos n'España

Pocos futbolistes suramericanos xugaron n'España antes de la Segunda Guerra Mundial. N'España, el xeneral Franco dexó la doble nacionalidá colos países d'América Llatina dende 1954. Los xugadores como Alfredo Di Stéfano y Héctor Rial fueron rápido tresferíos. En 1962, la Lliga española prohibió tolos xugadores estranxeros, yá que la so presencia foi la escusa polos malos resultaos del equipu nacional.

Tres esto, los clubes discurrieron como podíen pa demostrar ascendencia española nos sos fichaxes, resultando en dellos casos dudosos. Dellos xugadores llograron falsos certificaos de nacencia, con falsos antepasaos españoles. Esto foi fácil nel Paraguái mientres la dictadura corrupta d'Alfredo Stroessner. Consiguientes escándalos surdieron en distintos momentos, unu de los cualos, foi'l famosu casu espuestu pol FC Barcelona en 1972.

En 1973, p'amenorgar l'incentivu na corrupción, hasta dos estranxeros non oriundos fueron autorizaos por equipu. Sicasí, el reclutamiento de xugadores d'América Llatina siguió siendo bien fuerte, exemplos como l'Asociación del Fútbol Arxentino, que na preparación de la Copa Mundial de Fútbol de 1978 prohibió al so equipu preliminar de 40 xugadores, a movese nel estranxeru, por que nun fueren «robaos». España amenorgó'l númberu de oriundos a unu per cada equipu, dempués d'otru escándalu de la falsificación en 1979. De 1979 a 1982, los arxentinos nun pudieron xugar nel estranxeru, y otros munchos como Mario Kempes, tornaron al so país.

Bibliografía

(1 de xunu de 2001). Moving With the Ball: the migration of professional footballers. Oxford: Berg. ISBN 978-1-85973-307-3.

Referencies

Enllaces esternos

Echecopar y Heredia desencadenaron el tema oriundos. El País (1/7/1976).
Valdez: "Mi empresario dijo que mi padre era murciano". El País (1/7/1976)
Nueva oleada de falsos oriundos. Diario El País (23/8/1977).
El ingenioso empeño por hacerse con un padre español. El Mundo.