Palaciu del Valletu

El palaciu de los Vázquez Prada o del Valletu ye un palaciu rural de Cuna (Mieres, Asturies). Ye la casa solar de los Vázquez de Prada dende la so construcción, permaneciendo na familia hasta l'actualidá. Ye un de los meyores esponentes de l'arquiteutura palacial barroca del conceyu.

Palaciu del Valletu
Bien d'Interés Cultural
palaciu y monumentu
Entrada al palacio 04.JPG
Llocalización
PaísFlag of Spain.svg España
AutonomíaFlag of Asturias.svg Principáu d'Asturies
Provincia provincia d'Asturies
ConceyuFlag of Mieres.png Mieres
Parroquia Cuna
Coordenaes 43°13′21″N 5°47′45″O / 43.2226°N 5.7957°O / 43.2226; -5.7957Coordenaes: 43°13′21″N 5°47′45″O / 43.2226°N 5.7957°O / 43.2226; -5.7957
Palaciu del Valletu alcuéntrase n'Asturies
Palaciu del Valletu
Palaciu del Valletu
Palaciu del Valletu (Asturies)
Patrimoniu
BIC RI-51-0009098
Cambiar los datos en Wikidata

El palaciu del Valletu ta compuestu por un conxuntu d'edificios: l'edificiu propiu del palaciu, el llagar, cortes, palombar, panera, casa de los caseros, fonte de piedra llabrada....

La fachada principal, de gran orixinalidá, ta abierta nel so pisu inferior por trés amplios arcos de carpanel sofitaos en grueses pilastres. Na planta cimera tien 5 balcones, tando los 3 centrales sobre los arcos carpaneles de la planta baxa. L'aleru central tien forma de frontón p'agospiar l'escudu qu'actúa de remate. Les fachaes sur y trasera tienen una gran galería acristalada. La fachada norte tien un pórticu de madera sobre pies de madera. La cubierta ta rematada con 3 pináculos de piedra sobre les cumbreres.

La construcción principal ye la casona del sieglu XVI, de planta que s'avera al rectángulu y con dos pisos. Na parte d'atrás, la casa adáutase a les irregularidaes del terrén.