Platalea leucorodia
Les especies d'aves con nome común en llingua asturiana márquense como NOA. En casu contrariu, conséñase'l nome científicu.
El paletón[1] (Platalea leucorodia) ye una especie d'ave pelecaniforme de la familia Threskiornithidae,[2][3] llargamente distribuyida pel Vieyu Mundu.
Platalea leucorodia paletón  | ||
|---|---|---|
 | ||
| Estáu de caltenimientu | ||
 Esmolición menor (IUCN) | ||
| Clasificación científica | ||
| Reinu: | Animalia | |
| Filu: | Chordata | |
| Clas: | Aves | |
| Orde: | Pelecaniformes | |
| Familia: | Threskiornithidae | |
| Xéneru: | Platalea | |
| Especie: |
P. leucorodia Linnaeus, 1758 | |
| Distribución | ||
 | ||
| Consultes | ||
| [editar datos en Wikidata] | ||
Descripción
editarYe una ave grande, mide ente 80 y 93 cm de llargu y tien un valumbu alar d'ente 120 y 135 cm.[4]
El plumaxe ye blancu por completu, anque los individuos nuevos tienen plumes prietes na punta de les ales. Sobre la tiesta tienen una cresta que n'ocasiones pasa inalvertida. El picu ye llargu, planu y de punta ancha, de color arrosáu nos mozos y negru nos adultos, con una mancha mariella na punta. Les pates son prietes y vense en vuelu estendíes escontra tras.
Distribución y hábitat
editarHabita en zones de banzaos, llagos d'agües pocu fondes y salines.[4]
Tien una amplia distribución: dende España hasta Xapón, pasando per África. Ye una ave migradora, que pasa los iviernos n'África. N'Europa alcuéntrase sobremanera na zona de los Balcanes, Italia y al Este del Mediterraneu polo xeneral.
Un gran númberu d'estes aves pasen l'iviernu nos estuarios de los ríos Souss y Massa, en Marruecos.
Na península ibérica ye posible vela nel so pasu migratoriu pela zona de la Sablera de La Barrosa y Cabu Roche,[5] y amás na so única una población residente tol añu en Doñana.[ensin referencies] Envierna en Ríu Guadalhorce, el Delta del Ebro y ría d'Arosa.[ensin referencies] Escasa en Canaries.[ensin referencies]. Tamién s'alcuentren pel hibiernu dellos exemplares na ría de Santoña, Cantabria, ría de Villaviciosa, Asturies y dellos exemplares nes llagunes de Villafáfila, Zamora.
Subespecies
editar
Conócense trés subespecies de Platalea leucorodia:[2]
- Platalea leucorodia archeri Neumann, 1928
- Platalea leucorodia balsaci Naurois & Roux, 1974
- Platalea leucorodia leucorodia Linnaeus, 1758
Referencies
editar- ↑ URL de la referencia: http://www.sabencia.net/nomenclator.php.
- ↑ 2,0 2,1 Clements, J. F., T. S. Schulenberg, M. J. Iliff, B.L. Sullivan, and C. L. Wood. 2010. The Clements checklist of birds of the world: Version 6.5. Cornell University Press. Downloadable from Cornell Lab of Ornithology
- ↑ Peterson, A. P. 2010. Birds of the World -- current valid scientific avian names. Consultáu en xineru de 2011.
- ↑ 4,0 4,1 Mullarney,K.; Svensson, L.; Zetterström, D; y Grant, P.J. (2003). Guía de Campu de les Aves d'España y d'Europa. Editorial Omega. ISBN 84-282-1218-X.
- ↑ paradoxa/la/espatula.html La paradoxa de la espátula
- BirdLife International (2004). Platalea leucorodia. 2006 Llista Roxa d'Especies Amenazaes IUCN. IUCN 2006. Consultáu'l 18 febreru 2011.
Enllaces esternos
editar
Wikimedia Commons acueye conteníu multimedia sobre Platalea leucorodia.
| Wikispecies tien un artículu sobre Platalea leucorodia. |
Datos: Q171360- Multimedia: Platalea leucorodia
Especies: Platalea leucorodia
