Paralax añal

Paralax añal.- Máximu valor aparente que pue adquirir la posición d'una estrella dada nel trescursu d'un añu por mor de la posición variable de la Tierra na so órbita alrodiu del Sol, y que correspuenderá al momentu nel que la llonxitú eclíptica de la estrella (que ye siempre constante), difiera 90º de la llonxitú eclíptica de la Tierra, que varía constantemente.

Paralax añal
Astrometría

El parsec ye un casu particular de paralax trigonométrica. P dista un parsec (pc) de la Tierra porque dende ellí l'ángulu abarcáu pol radiu de la órbita terrestre (1 Unidá Astronómica o U.A.) ye d'un segundu d'arcu (1")

Bessel foi'l primeru en determinar la paralax d'una estrella, 61 Cygni, na constelación d'El Cisne, el añu 1838. Dos años dempués, en 1840, Struve llogró midir la paralax de Vega na constelación de Lira.

Les paralaxes estelares tán per baxo del segundu d'arcu. La estrella más próxima a nosotros ye Alfa Centauri, en realidad un sistema triple. La más cercana d'elles, Próxima Centauri, tien una paralax de 0"765, correspondiente a 1,31 pc, ó 4,3 años lluz.

A mayor distancia, menor paralax, y los errores cometíos fáense más y más significativos, de mou qu'a partir de 100 años lluz yá nun ye fiable la paralax añal trigonométrica pa determinar distancies estelares.

Enllaces esternos

• Datos: Q3826501