Unidá astronómica

La unidá astronómica (UA) ye una unidá de distancia qu'equival a 149.597.870.691 ± 30 metros. Ye aproximadamente igual a la distancia media ente la Tierra y el Sol, equivalente a 8,32 minutos lluz. Anque ye una escelente aproximación, nun correspuende con toa precisión a la órbita real de la tierra. Ye por esto que modernamente defínese como la distancia dende'l Sol a una partícula ensin masa y llibre de perturbaciones que se mueve nuna órbita circular alredor del Sol con un periodu orbital de 365,2568983 díes (añu gausianu).

Unidá astronómica
unidá de llonxitú, unidaes que nun formen parte del SI pero se mencionen y s'aceuten y unidá derivada en UCUM

El nome provién de los sieglos XVI y XVII, cuando nun se conocíen les distancies absolutes ente los cuerpos del sistema solar, pero sí les distancies relatives tomando como patrón la distancia media ente la Tierra y el Sol, que foi denomada la unidá astronómica. Llegóse a afirmar que'l día en que se midiere esti valor, se conocería'l tamañu l'Universu.

Exemplos

• Plutón ta a 39,5 UA del Sol.
• Xúpiter ta a 5,2 UA del Sol.
• El diámetru mediu de Betelgeuse ye 2,57 UA.
• La Lluna ta a 0,0026 UA de la Tierra.

Equivalencies

1 UA ≈ 1,5×10¹¹ m ≈ 499 segundos lluz

Enllaces esternos

• Wikimedia Commons tien conteníu multimedia tocante a Unidá astronómica.

• Datos: Q1811