Partíu Socialista Llibre Federación
El Partíu Socialista Llibre Federación (PSLF) ye un partíu políticu d'España que defende como ideoloxía'l socialismu democráticu y el republicanismu federal. Considérase socesor del Partíu Socialista Federal, una dixebra del PSOE pol sofitu de Felipe González a la OTAN[1]. Foi fundáu en 2018 pola xunión de distintes dixebres pola esquierda del PSOE , anque tamién cunta con persones que provienen d'otros ámbitos de la esquierda, como Izquierda Xunida[2][3].
| Partíu Socialista Llibre Federación | |
|---|---|
| Secretaría xeneral | Carlos Martínez |
| Fundación | 2018 |
| Estáu |
 España |
| Ideoloxía política | socialismu democráticu, republicanismu, federalismu, esquierda política |
| Posición nel espectru | izquierda |
| Páxina web | partidosocialistalibrefederacion.com |
 | |
Ideoloxía editar
El PSLF defínese como un partíu socialista, herederu de la tradición de Pablo Iglesias Posse, fundador del PSOE. Ente les sos referencies ideolóxiques actuales citen a Bernie Sanders, Jeremy Corbyn y organizaciones como los Socialistes Democráticos d'América (DSA). Considérense un partíu de clase, republicanu, y qu'aspira a aunir a toles corrientes del socialismu, considerando que, anguaño, el PSOE alloñóse de les clases trabayadores. El partíu afirma tamién qu'España ye una realidá plurinacional, y defende un modelu d'estáu republicanu y federal[1]. Defende tamién el feminismu políticu, polo que nos ayuntamientos onde tien representación, fai aiciones polítiques escontra la violencia machista, o n'alcordanza de les víctimes d'aquella[4].
Estructura editar
El secretariu xeneral del partíu ye Carlos Martínez, quien fuera presidente de Attac España y primer secretariu del partíu Construyendo la Esquierda-Alternativa Socialista. La mayoría de la so estructura provién de distintes dixebres del PSOE que converxeron nesti proyeutu. Dalgunos d'estos grupos incorporáronse al proyeutu inclusive dempués de presentase a les elecciones municipales en solitariu, llogrando grupu propiu, como Socialistes por Cacabelos , na provincia de Llión.[5] N'asturies tien un conceyal, José Castañón, nel conceyu d'Ayer, que foi elixíu pola coalición Xuntes por Ayer (PSLF-Podemos)[6].
Referencies editar
- ↑ 1,0 1,1 https://partidosocialistalibrefederacion.com/conocenos/
- ↑ https://partidosocialistalibrefederacion.com/blog/comunicados-y-llamamientos-del-partido/por-la-construccion-del-partido-socialista-libre-federacion
- ↑ https://www.elindependientedegranada.es/politica/maria-martin-romero-candidata-pslf-alcaldia-granada
- ↑ https://www.20minutos.es/noticia/4572642/0/el-pleno-de-maracena-aprueba-una-mocion-para-hacer-un-homenaje-provincial-a-ana-orantes/?autoref=true
- ↑ https://cadenaser.com/emisora/2019/11/24/radio_bierzo/1574594922_320804.html
- ↑ https://mas.lne.es/elecciones/municipales/aller/
Enllaces esternos editar
- Páxina web oficial (castellán)
Datos: Q98163015
