Pedro González Menéndez
Pedro González Menéndez (16 de payares de 1951, Uviéu – 1 de xineru de 2000, Madrid) foi un comentarista deportivu de Televisión Española, conocíu poles retresmisiones de carreres ciclistes de los años 90.[1]
Pedro González Menéndez | |
|---|---|
| Vida | |
| Nacimientu | Uviéu, 16 de payares de 1951 |
| Nacionalidá |
 España |
| Muerte | Madrid, 1 de xineru de 2000 (48 años) |
| Causa de la muerte | infartu de miocardiu |
| Estudios | |
| Llingües falaes | castellanu |
| Oficiu | periodista |
| Emplegadores |
Radio Nacional de España (1974 – 1987) Televisión Española (1987 – |
 | |
Biografía
editarEstudió bachilleratu nel colexu Santo Domingo de Guzmán d'Uviéu, treslladándose llueu a Madrid, onde se llicenció en periodismu. Entamó a trabayar en Radio Peninsular realizando reportaxes, para pasar darréu a Radio Nacional de España (RNE) en 1974, onde s'especializó n'información deportiva, principalmente en ciclismu y fútbol.[1]
En 1987 dexó RNE ya incorporóse a Televisión Española (TVE), formando pareya profesional con Emilio Tamargo hasta 1994 y, a partir d'esi añu, col ex-ciclista Pedro Delgado.[2] Cubrió les pruebes más importantes del calendariu ciclista mundial: Vuelta a España, Giro d'Italia, Tour de Francia, campeonatu del mundu y xuegos olímpicos.
Morrió na so casa de Madrid el 1 de xineru de 2000, por mor d'un infartu de miocardiu.[3]
Foi un embaxador d'Asturies nel mundu y foi'l máximu promotor de la xubida ciclista a L'Angliru. Depués de la so muerte, la direición de la Vuelta a España daba'l Premiu Pedro González al ciclista qu'usaba menos tiempu nes etapes que trescurríen per Asturies.
En 2000 el Gobiernu del Principáu d'Asturies concedía, a títulu póstumu, la medaya d'Asturies na so categoría de plata.[4]
Referencies
editar- ↑ 1,0 1,1 Alberto N.. DemarrajeWeb (ed.): «La voz de los 90´» (castellanu). Consultáu'l 12 d'abril de 2020.
- ↑ «El exciclista y comentarista deportivo Pedro Delgado presenta su segundo libro 'A golpe de micrófono». Consultáu'l 12 d'abril de 2020.
- ↑ «Fallece a los 48 años el periodista deportivo de TVE Pedro González». Consultáu'l 12 d'abril de 2020.
- ↑ «ALCUERDU de 31 d'agostu de 2000, del Conseyu de Gobiernu, pol que se concede, a títulu póstumu, la Medaya d'Asturies, categoría de plata, a don Pedro González Menéndez.».
Enllaces esternos
editar
Datos: Q6068973
