Peggy Etter

química estauxunidense (1943–1992)

Margaret Cairns Etter, más conocida como Peggy Etter (12 de setiembre de 1943Greenville – 9 de xunu de 1992Minneapolis) foi una química estauxunidense que contribuyó al desenvolvimientu de la química del estáu sólidu pa compuestos orgánicos cristalinos.[2] Ye conocida pol so trabayu de carauterización y clasificación de los contactos por enllaces d'hidróxenu en compuestos orgánicos.

Peggy Etter
Vida
Nacimientu Greenville12 de setiembre de 1943
Nacionalidá Bandera de Estaos Xuníos d'América Estaos Xuníos
Muerte Minneapolis9 de xunu de 1992 (48 años)
Estudios
Estudios Universidá de Pennsylvania
Universidá de Minnesota
Universidá Cornell
Universidá de Delaware
Direutor de tesis J. Zanos Gougoutas (en) Traducir
Llingües falaes inglés[1]
Oficiu química
Emplegadores Universidá de Minnesota
Cambiar los datos en Wikidata

Educación y carrera editar

Peggy Etter nació en Greenville, una población de Delaware cercana a Wilmington. El so padre, Theodore Cairns, yera químicu d'oficiu.[3] Estudió na Universidaes de Cornell y Pennsylvania. Completó un máster na Universidá de Delaware en 1971 y llogró un doctoráu pola Universidá de Minnesota. El so trabayu de tesis y posdoctorado posterior consistió nel estudiu de les propiedaes químicu y estructural de compuestos de yodu polivalente usando la difracción de rayos X y téuniques espectroscópicas.[2]

Tres una curtia estancia como profesora asistente en Augsburg College, Etter llogró n'empléu na compañía 3M como investigadora. Collaboró con dellos grupos d'investigación pa estudiar compuestos cristalinos y polímeros. Mientres esta dómina empezó a analizar les distintes configuraciones adoptaes polos enllaces d'hidróxenu en sólidos orgánicos. Estes observaciones dieron llugar más palantre a les regles de Etter» y al desenvolvimientu d'una representación gráfica de les redes d'enllaces d'hidróxenu publicada en 1990 en Accounts of Chemical Research y Acta Cristallographica.[3] Esta representación ye usada llargamente en química estructural y química del estáu sólidu pa la descripción de compuestos orgánicos.[2][4]

Por cuenta de les dificultaes de caltener un programa d'investigación estable en 3M,[3] Etter tornó a la Universidá de Minnesota y en 1984 consiguió un puestu como profesora na Facultá de Química. Mientres el restu de la so carrera dedicar a la investigación de les propiedaes de sólidos cristalinos y de los enllaces d'hidróxenu. El so trabayu influyó en delles árees d'interés nel campu de la química orgánica del estáu sólidu, como la crecedera de cristales, formación de clatratos y les transiciones de fase. A finales de 1990, afayáron-y un cáncer de reñón n'estáu avanzáu qu'acabó cola so vida en xunu de 1992, na fase más granible de la so carrera.[2][3]

Premios y reconocencies editar

En 1979, Etter recibió'l premiu Good Neighbor de la la emisora de radio de Minnesota WCCO poles sos contribuciones al desenvolvimientu d'un programa científicu escolar.[2]

En reconocencia tanta los sos llogros científicos como'l so llabor como mentora d'estudiantes y científicos noveles, l'Asociación Estauxunidense de Cristalografía instauró dos premios n'honor de Peggy Etter: el premiu Margaret C. Etter Early Career, concedíu a científicos que realizaron contribuciones importantes nuna etapa temprana de la so carrera, y el premiu Margaret C. Etter Student Lecturer, daos a una seleición d'estudiantes poles sos presentaciones orales nel congresu añal de l'asociación.[5]

Referencies editar

  1. «idRef» (francés). Agencia Bibliográfica de Enseñanza Superior. Consultáu'l 9 mayu 2020.
  2. 2,0 2,1 2,2 2,3 2,4 Hollingsworth, Mark D. (1994). «Margaret Cairns (Peggy) Etter 1943-1992» (n'inglés). Chemistry of Materials 6:  páxs. 1087-1089. doi:10.1021/cm00044a001. 
  3. 3,0 3,1 3,2 3,3 Bernstein, Joel (2016). «Peggy Etter: A Personal Recollection» (n'inglés). Crystal Growth and Design 16:  páxs. 1135-1143. doi:10.1021/acs.cgd.5b01296. 
  4. Grell, J. (1999). «Graph-set analysis of hydrogen-bond patterns: some mathematical concepts» (n'inglés). Acta Crystallographica B 55:  páxs. 1030-1043. doi:10.1107/S0108768199007120. 
  5. «American Crystallographic Association awards» (inglés). American Crystallographic Association. Consultáu'l 11 de febreru de 2017.