Penelope Ann Miller

Penelope Ann Miller
Vida
Nacimientu	Los Angeles, 13 de xineru de 1964 (60 años)
Nacionalidá	Estaos Xuníos
Llingua materna	inglés
Familia
Padre	Mark Miller
Casada con	Will Arnett (1994 – 1995)
Fíos/es	2
Estudios
Estudios	Escuela Preparatoria University (es) ; Escuela Preparatoria Palisades Charter (es) ; Menlo College (en) ; HB Studio (es)
Llingües falaes	inglés
Oficiu	actriz, actriz de teatru, actriz de televisión, actriz de cine
Nominaciones	ver Premiu Tony a la meyor actriz de repartu nuna obra de teatru ; (1989);
IMDb	nm0000542

Penelope Ann Miller (13 de xineru de 1964, Los Angeles) ye una actriz d'Estaos Xuníos. Na so llarga carrera destáquense filmes esitosos y aclamaos pola crítica, amás de notables obres de teatru. Actuó con grandes del cine como Marlon Brando, Robert De Niro y Al Pacino. Foi nomada al Premiu Tony, al Globu d'Oru y al Premiu del Sindicatu d'Actores pola so participación na cinta The Artist.

Biografía

Familia

El so padre ye'l guionista y direutor Mark Miller, quien ye recordáu pol so papel de "Padre" na serie de los 60's "Please don't eat the daisies" y amás ye l'escritor d'Un Paséu peles Nubes. La so madre, Beatrice Miller ye una instructora de yoga que trabaya pa una institución ensin fines d'arriquecimientu y qu'enantes trabayara como periodista pa la revista "Life" y como editora en "Harper's Bazaar". Penelope tien dos hermanes: Marissa, que tamién ye actriz y Savannah, que ye trabayadora social y representativa de Arbonne Skin-Care Products.

El 9 d'avientu de 1994 casóse col actor canadianu Will Arnett, que ye 6 años menor qu'ella, pero divorciáronse casi darréu'l 18 de xineru del añu siguiente.

El 28 de mayu de 2000 casóse con John Patrick Huggins. A la edá de 36 dio a lluz a la so primer fía Eloisa, el 10 d'avientu de 2000. Casi 9 años dempués el 23 de marzu de 2009 tuvo a la so segunda fía Maria Adela, a la edá de 45. Finalmente tres 11 años de matrimoniu divorcióse de Huggins el 14 de mayu de 2012.

Carrera

Teatru

Miller estudió y graduóse na secundaria en Los Angeles y camudóse a Nueva York a los 18 años. Estudió drama nel HB Studio en Greenwich Village en Nueva York. Ensin dulda, el so primer ésitu nel teatru foi na obra Desventures d'un recluta inocente de Neil Simon en 1985. En 1988 protagonizó "Our town", compartiendo creitos con Eric Stoltz y Spalding Gray, la so interpretación valió-y una nominación al Premiu Tony. Eventualmente dexó'l teatru y dedicóse al cine y a la televisión.

Cine

Nel cine empezó con Desventures d'un recluta inocente, na cual repite'l rol qu'interpretó na mesma obra de teatru al igual que'l so protagonista Matthew Broderick, la película foi dirixida por Mike Nichols y cuntó coles participaciones de Christopher Walken y Casey Siemaszko. Darréu trabayó nel ésitu taquilleru de Chris Columbus, Aventures na gran ciudá que foi estelarizada por Elisabeth Shue, en 1987. Aquel día solo actuara en roles de repartu.

Foi hasta 1990 cuando empieza a protagonizar películes colos más reconocíos actores del momentu. En primer llugar El Novatu, al llau de Marlon Brando y nuevamente con Matthew Broderick; depués Espertares, que foi emponderada pola crítica, con Robert De Niro y Robin Williams; y finalmente Poli de Guarderia que s'asitió como una de les 10 cintes más taquilleres d'esi añu y na cual actuó con Arnold Schwarzenegger, Pamela Reed, Linda Hunt, Richard Tyson, Carroll Baker y Cathy Moriarty.

En 1992 participó nuna cinta de Richard Attenborough, Chaplin, la biografía del famosu comediante de cine mudu Charles Chaplin que foi interpretáu por Robert Downey Jr. Al añu siguiente trabayó con Al Pacino nuna película de Brian De Palma, Atrapáu pol so Pasáu que la fixo acreedora a una nominación al Globu d'Oru a la meyor actriz de repartu.

Nel 2001 apaeció nel ésitu taquilleru La telaraña que foi estelarizada por Morgan Freeman y Monica Potter. La so carrera decayó y aparecíó en películes como Distrayíu y Millonariu, xunto a Chevy Chase y Armand Assante; y Los Mensaxeros al llau de Dylan McDermott y Kristen Stewart.

Na década de 2010 la so carrera vuelve retomar l'ésitu al apaecer na cinta de Rob Reiner, El mio primer amor y nuevamente dexó-y ganar la reconocencia cola multipremiada cinta francesa The Artist que ganó 5 Óscares y munchos otros premios n'otros países. Equí compartió creitos con James Cromwell, John Goodman y Malcolm McDowell.

Televisión

Antes de incursionar nel cine actuó en delles reconocíes series de televisión de los 80's. La so primer intervención foi 1985 nun episodiu de la serie "Hestories del más allá". Tamién apareción en Llazos familiares y Miami Vice. Mientres los sos años de cayente nel cine apaeció en delles películes pa televisión de la corte de terror como "Caza de bruxes" y "The Relic". Otres de les sos notables apaiciones en televisión fueron en "Rocky Marciano" (1999), "All American Girl: The Mary Kay Letorneau Story" (2000), onde interpretó a una profesora que foi encarcelada por sostener una rellación con un alumnu adolescente y "Thanksgiving Family Reunion" (2003). Tamién trabayó na serie "Sumíos".

Filmografía

2024: Reagan^[3]
2022: Dahmer monster (serie)
2011: The Artist
2010: Flipped
2007: The Messengers
2006: Funny Money
2003: Thanksgiving Family Reunion (TV)
2001: Along Came a Spider
2000: All American Girl: The Mary Kay Letorneau Story (TV)
1999: Rocky Marciano (TV)
1997: Little City
1997: The Relic
1997: The Last Don (miniserie)
1994: Witch Hunt (TV)
1994: La sombra
1993: Carlito's Way
1992: Chaplin
1992: The Gun in Betty Lou's Handbag
1992: Year of the Comet
1991: Other People's Money
1990: Despertares
1990: Kindergarten Cop
1990: Downtown
1990: The Freshman
1989: Dead Bang
1988: Big Top Pee-Wee
1988: Miles from Home
1987: Aventuras en la gran ciudad
1987: Biloxi Blues

Premios y nominaciones

Premios Saturn

Añu	Resultáu	Categoría	Títulu
1995	Nomada	Meyor Actriz	La Solombra
1997	Nomada	Meyor Actriz	The Relic

Chicago Film Critics Association

Añu	Resultáu	Categoría	Títulu
1991	Ganadora	Meyor Actriz Promesa	El novatu

DVD Exclusive Awards

Añu	Resultáu	Categoría	Títulu
2001	Nomada	Meyor Actriz de repartu	Full Disclosure

Globos d'Oru

Añu	Resultáu	Categoría	Títulu
1994	Nomada	Globu d'Oru al meyor actor de repartu Meyor Actriz de repartu	Carlito's Way

Referencies

↑ Afirmao en: SNAC. Identificador SNAC Ark: w6f032cr. Apaez como: Penelope Ann Miller. Data de consulta: 9 ochobre 2017. Llingua de la obra o nome: inglés.
↑ Afirmao en: idRef. Identificador de referencia de idRef SUDOC: 066270456. Data de consulta: 11 mayu 2020. Editorial: Agencia Bibliográfica de Enseñanza Superior. Llingua de la obra o nome: francés.
↑ Kit, Borys (13 d'ochobre de 2020). «Penelope Ann Miller to Play Nancy Reagan in Ronald Reagan Biopic (Exclusive)» (inglés). Hollywood Reporter.com. Consultáu'l 17 de payares de 2020.

Enllaces esternos

[0ce88ea6ec2398e2c9eb0885d30345234b565b6f-1] Afirmao en: SNAC. Identificador SNAC Ark: w6f032cr. Apaez como: Penelope Ann Miller. Data de consulta: 9 ochobre 2017. Llingua de la obra o nome: inglés.

[557ad9ac3690fc194f1cb63bec6deec52aecb90c-2] Afirmao en: idRef. Identificador de referencia de idRef SUDOC: 066270456. Data de consulta: 11 mayu 2020. Editorial: Agencia Bibliográfica de Enseñanza Superior. Llingua de la obra o nome: francés.

[3] Kit, Borys (13 d'ochobre de 2020). «Penelope Ann Miller to Play Nancy Reagan in Ronald Reagan Biopic (Exclusive)» (inglés). Hollywood Reporter.com. Consultáu'l 17 de payares de 2020.

[1]

[2]

[3]

Penelope Ann Miller

Vida
Nacimientu	Los Angeles, 13 de xineru de 1964^[1] (60 años)
Nacionalidá	Estaos Xuníos
Llingua materna	inglés
Familia
Padre	Mark Miller
Casada con	Will Arnett (1994 – 1995)
Fíos/es	2
Estudios
Estudios	Escuela Preparatoria University ^(es) Escuela Preparatoria Palisades Charter ^(es) Menlo College ^(en) HB Studio ^(es)
Llingües falaes	inglés^[2]
Oficiu	actriz, actriz de teatru, actriz de televisión, actriz de cine
Nominaciones	ver Premiu Tony a la meyor actriz de repartu nuna obra de teatru (1989)
IMDb	nm0000542