José Requejo Castañón

José Requejo Castañón
Vida
Nacimientu	Morea, 1915
Nacionalidá	España
Muerte	1993 (77/78 años)
Estudios
Llingües falaes	castellanu; asturianu
Oficiu	cantante de tonada, monologuista
Instrumentu musical	voz

José Requejo Castañón (1915, Morea – 1993), conocíu como Pepe Requejo foi un cantante asturianu de tonada y monologuista.

Yera de familia minera y campesina aficionaos a cantar asturianaes, polo que Pepe entamó dende bien rapaz a interpretar tonada.

Nel añu 1948 algamaría'l título de Campeón de la Canción Asturiana nel concursu qu'entamaba'l diariu Región y Radio Asturias, títulu que compartiría con Josefina Fernández en categoría femenina, con un xuráu compuestu por Cuchichi, Miranda, Aquiles Sorbías y Juan Uría Ríu, faciendo de secretariu'l periodista Roberto Velásquez.

Destacó como intérprete de la variante ayerana de la tonada xunto con otros cantadores del conceyu como Carlitos de Murias, Ataúlfo Lada Camblor, Jaime Caleya, ... El so hermanu Tino nun mos dexó grabación dalguna, pero afírmase que, por exemplu, "Pola y Pino" nun la cantaba naide como élli^[1].

Formó parte de la Compañía de Canción Asturiana xunto con Román Prieto, Carlitos de Murias, Ignacio Apaolaza y los hermanos Chucha de Nembra y Tonín de Nembra.

Dexó grabaes delles tonaes como Caballu al verde, La Caleyona, Hai una llinia trazada, ...

Referencies

↑ «Archived copy». Archiváu dende l'orixinal, el 2009-02-21.

Enllaces esternos

[1] «Archived copy». Archiváu dende l'orixinal, el 2009-02-21.

[1]