Ataúlfo Lada Camblor

Ataúlfo Lada Camblor (20 de marzu de 1921, Serrapio – 5 de xineru de 2009, Uviéu) foi un cantante asturianu de tonada, siendo, pol so aniciu, unu de los dominadores de la variante ayerana.

Ataúlfo Lada Camblor
Vida
Nacimientu	Serrapio, 20 de marzu de 1921
Nacionalidá	España
Muerte	Uviéu, 5 de xineru de 2009 (87 años)
Estudios
Llingües falaes	castellanu asturianu
Oficiu	cantante de tonada, mineru

Biografía

Ataúlfo trabayó na mina como picador y vixilante, pero dende bien mozu dedicóse a la tonada. Con ventinueve años algama'l primer premiu na segunda edición del concursu de canción asturiana qu'entamaba'l diariu Región, nel Salón Babel. Señala'l periodista Calleja: Ataúlfo Lada, Pepe Requejo y Carlitos Solís fueron los tres mosqueteros que conquistaron el Babel .

Ente los años 1967 y 1068 forma parte de l'agrupación Asturias Canta, al llau de Margarita Blanco, El Tordín de Frieres, José Noriega, Silvino Argüelles, Fidel de la Güeria, Tarín de Sotrondio y el gaiteru Silvino Blanco. Con posterioridá pasaría a formar parte del grupu Campeones de la Canción Asturiana, que comandaba'l cantante Ignacio Apaolaza.

Dexó grabaos dellos cantares en discu: La negra mina, En picando y en forando, Dísteme una cinta verde, La cara blanca, Pendu l'Argüeyu, Río Aller que vas cantando, ...

La canción d'Ataúlfo qu'algamaría mayor sonadía sería La Zagalina y con ella sería dispidíu na ilesia de Serrapio el día del so funeral, el 6 de xineru de 2009.

Ataúlfo Lada Camblor formaría parte del Comité d'Espertos de Tonada Asturiana qu'aconceyaos pol Memorial Silvino Argüelles nomaríen a los diez meyores cantadores de tonada del añu. Igualmente, Ataúlfo sería homenaxeáu nel añu 1993 nel I Concursu y Muestra del Folklore Ciudá d'Uviéu, onde tamién tien dedicada una cai.

Enllaces esternos

• Datos: Q13146771