Pere Miquel Carbonell
Pere Miquel Carbonell i de Solsona (8 de febreru de 1434, Barcelona – 2 d'abril de 1517, Barcelona) foi un historiador, notariu, humanista y poeta catalán.
Pere Miquel Carbonell | |
|---|---|
| Vida | |
| Nacimientu | Barcelona[1], 8 de febreru de 1434 |
| Nacionalidá | Corona d'Aragón |
| Muerte | Barcelona[2], 2 d'abril de 1517 (83 años) |
| Estudios | |
| Llingües falaes |
catalán llatín |
| Oficiu | poeta, xurista, historiador, archiveru, escritor |
 | |
En 1458 foi nomáu notariu públicu pol rei Alfonsu V d'Aragón, cargu que foi ratificáu por Xuan II d'Aragón. Esti últimu monarca nomólu en 1476 archiveru y escriba real.
Foi un entusiasta de los cambeos que se producieron na cultura catalana a partir de mediaos del sieglu XV lo que lu llevó a refugar en parte l'anterior tradición cultural. Yera un gran aficionáu a les lletres clásiques y consiguió axuntar una destacada biblioteca. Yera tamién un destacáu calígrafu. Escribió diverses coples en catalán según una adautación del francés d'una Danza de la muerte con poca calidá.
La so primer obra historiográfica ye una escoyeta, escrita en catalán, de los detalles de la enfermedá, muerte y entierru del rei Xuan II qu'escribió por encargu de Fernandu II d'Aragón. Escoyó'l llatín pa redactar una serie de quince biografíes d'eruditos, De viris illustribus catalanis suae tempestatis. La so obra más estensa ye Chròniques de Espanya qu'empezó a redactar en 1495. Ta basada en documentación del archivu real y foi concebida con un criteriu lliterariu.
En 1496, y tamién por encargu del rei Fernandu II, escribió una xenealoxía de los condes catalanes. La so obra Liber descriptionis reconciliatonisque purgationis et condemnationis haereticorum (1516), resume de los procesos realizaos pola Inquisición en Barcelona, convirtióse nuna de les principales fontes pal estudiu de los judaizantes. Ye remarcable tamién el espistolario que caltuvo con diversos humanistes italianos y con escritores contemporáneos y que foi arrexuntáu y editáu en 1864 por Manuel de Bofarull, archiveru de la Corona d'Aragón.
Obres
editar- Obra brocada de la gloriosa Madalena parlant de penitentia (1454)
- Diuae Mariae Magdalenae oratio (1454)
- Correspondencia con Joan Vilar (1475)
- Correspondencia con Jeroni Pau (1475 y ss)
- Correspondencia con Guillem Fuster (1475)
- Correspondencia con Lorenzo Lippio (1476)
- De uiris illustribus catalanis (1476)
- Suoer facto expulsionis hereticorum iuderumque... nec non recuperatione Comitatum Ruscionis et Cerritaniae (1493)
- Epustula de consolatione pestilentiae (1494)
- Genealogia dels comtes-reis (1496)
- Dansa de la mort (1497)
- Chròniques de Espanya (1513)
- Liber descriptionis reconciliatonisque purgationis et condemnationis haereticorum (1516)
- De exequiis sepultura et infirmitate Regis Ioannis Secundi (1517)
- Episcoporum Barcinonensium... ordo et numerus
- De la conservatió y duratió de la ciutat de Barcelona
- Poemes catalans
Referencies
editar- Artículu na Enciclopedia Catalana Archiváu 2016-02-05 en Wayback Machine (en catalán)
Bibliografía
editar- Vilallonga, Mariàngela, La lliteratura llatina a Catalunya al segle XV. Repertori bio-bibliogràfic, 1993, ISBN 978-84-7256-930-0).
- Torres Amat, Félix, Memories p'ayudar a formar un diccionariu críticu de los escritores catalanes, Barcelona, 1836.
Referencies
editar- ↑ Afirmao en: Gemeinsame Normdatei. Data de consulta: 15 avientu 2014. Llingua de la obra o nome: alemán. Autor: Biblioteca Nacional d'Alemaña.
- ↑ Afirmao en: Gemeinsame Normdatei. Data de consulta: 31 avientu 2014. Llingua de la obra o nome: alemán. Autor: Biblioteca Nacional d'Alemaña.
Enllaces esternos
editar- Obres digitalizadas de Pere Miquel Carbonell na Biblioteca Dixital Hispánica de la Biblioteca Nacional d'España
Datos: Q545716
