Phoebe Cates
Phoebe Belle Cates (16 de xunetu de 1963, Manhattan) ye una actriz d'Estaos Xuníos. Algamó'l so meyor momentu de popularidá mientres la década de 1980, por cuenta de les sos interpretaciones nos filmes Fast Times at Ridgemont High y Gremlins.
Phoebe Cates | |
|---|---|
 | |
| Vida | |
| Nacimientu | Manhattan, 16 de xunetu de 1963[1] (61 años) |
| Nacionalidá |
 Estaos Xuníos |
| Llingua materna | inglés |
| Familia | |
| Casada con | Kevin Kline (1989 – ) |
| Fíos/es | |
| Estudios | |
| Estudios |
Juilliard School Professional Children's School (en)  PS 6 (es) |
| Llingües falaes | inglés |
| Oficiu | actriz, actriz de cine, cantante, modelu, actriz de televisión |
| Instrumentu musical | voz |
| Creencies | |
| Relixón | xudaísmu |
| IMDb | nm0000121 |
 | |
Vida personal
editarDellos de los sos familiares son conocíos nel mundu del espectáculu, ente ellos el so maríu Kevin Kline, el so padre, el productor Joseph Cates y el so tíu, el direutor y productor Gilbert Cates.[2]
Práuticamente retirada de l'actuación, anguaño la so actividá principal atópase nel mundu de la moda y tien una boutique llamada Blue Tree, en Madison Avenue, na ciudá de Nueva York; onde vive col so maríu y los sos dos fíos, Owen y Greta.[3]
Biografía
editarNació'l 16 de xunetu de 1963 en Nueva York (USA). Ye fía del fináu direutor y productor Joseph Cates y la so madre ye filipina. Tien dos hermanes llamaes Valerie y Alexandra. El so primer trabayu foi como modelu pa la revista "Seventeen". Depués exerció como cuidadora nuna guardería infantil de Nueva York.
A fines de 1981 animóse a empecipiar una carrera como actriz debutando como la protagonista del filme canadiense Paradise (película) de 1982, xunto al actor Willie Aames. Nella interpretaben a David y Sarah, una pareya de mozos que foron parar a un llugar paradisiacu onde dambos afayaben l'amor. Esti filme, con traces erótiques y d'aventures, yera un intentu pa esplotar l'ésitu de "El llagu azul" (1980), de la que se copiaron hasta escenes concretes. Nesta película Phoebe Cates tamién foi la intérprete del tema central de la banda sonora, llamada tamién "Paradise".
El so segundu llargumetraxe, tamién en 1982, foi "Fast Times at Ridgemont High", una comedia estudiantil con elementos dramáticos al llau de futures estrelles como Sean Penn, Judge Reinhold, Jennifer Jason Leigh, Eric Stoltz, Forest Whitaker y Anthony Edwards ente los más conocíos. Equí interpretó a la bella estudiante Linda. Por esti papel consiguió destacar como un pequeñu mitu eróticu de principios de los 80, gracies a una secuencia na qu'apaecía en topless.
El so siguiente trabayu tamién tuvo rellacionáu cola comedia xuvenil, protagonizando "Private School for girls" onde yera una moza qu'asistía a un esclusivu colexu unisexual que se rellacionaba con un mozu d'un institutu de varones y que diba a pasar una fin de selmana a lo que sería una salida romántica, pero tou sále-yos al aviesu. Phoebe popularizó dos temes de la cinta con Matthew Modine y Sylvia Kristel.
Darréu intervieno nel telefilme dramáticu "Lace", del que se fizo una continuación al añu siguiente. En 1984 llogró'l papel femenín en "Gremlins", dirixida por Joe Dante y producida por Steven Spielberg. Equí, arriendes d'aniquilar a les criatures, interpretaba a Kate Berringer, la novia de Billy Peltzer Zach Galligan, el propietariu de Gizmo y responsable de la catástrofe. La película foi un gran ésitu comercial y convirtióse n'oxetu de cultu, sicasí les auténtiques estrelles del filme resultaron ser los Gremlins (criatures animatróniques creaes pol equipu d'efectos especiales).
Esi mesmu añu tamién debutó nos escenarios del off-Broadway cola obra "The Nest of the Wood Grouse". A esti trabayu siguieron otros montaxes teatrales destacaos como "Rich Revelations", "The Sea Gull", "Much Ado About Nothing" y "Romeo y Julieta". Foi escoyida pola revista Harper's Bazaard como una de les 10 muyeres más belles de 1984.
Los sos films posteriores foron más discretos a nivel comercial, como'l drama sobre la drogadicción n'ambientes d'altu standing "Nueches de neón", xunto a Michael J. Fox y Kiefer Sutherland; o la comedia dramática xeneracional "Shag, ritmu nos talones" (1989), onde tuvo como compañeres de repartu a Annabeth Gish y Bridget Fonda.
En 1989 casóse col actor Kevin Kline, al que conociera en 1983 cuando ella se presentó a una fallida audición pa un papel na película "The Big Chill (película)" de Lawrence Kasdan. Dambos estableciéronse en Manhattan y ella empezó a dexar la so carrera nun segundu planu.
En 1990 volvió coincidir con Zach Galligan en "Gremlins 2: la nueva xeneración", secuela menos llograda que tamién cuntó cola direición de Joe Dante.
Depués fixo un caméu na comedia negra "I Love You to Death" de Lawrence Kasdan, protagonizada por Kevin Kline, Tracey Ullman, Joan Plowright, River Phoenix, Keanu Reeves y William Hurt.
Un añu más tarde nació Owen, el primer fíu que tuvo col so maríu, motivu pol que viose obligada a ser sustituyida por Kimberly Williams na comedia "El padre de la novia" (1991).
En 1993 participó nel drama románticu independiente, "Malditu Nick", con Bridget Fonda, Eric Stolz y Tim Roth completando'l repartu. Un añu más tarde foi la protagonista de la comedia británica de dómina "La princesa Caraboo", au foi secundada por Jim Broadbent, Kevin Kline, John Lithgow y Stephen Rea. Tres esta película decidió retirase de les pantalles pa exercer como madre de la so segunda fía Greta, nacida en 1994, ente que Kevin Kline prosiguió la so carrera cinematográfica casi ensin fuelgu.
Nun foi hasta 2001 cuando tornó a les pantalles cola comedia independiente "The Annyversary Party", empobinada y protagonizada pola so amiga Jennifer Jason Leigh en collaboración col actor Alan Cumming. Phoebe participó nel filme al pie del so maríu y fíos y significó el so últimu trabayu hasta la fecha.
Anguaño sigui casada al pie de Kevin Kline y esperen un tercer fíu, ente que los sos renuevos Owen y Greta prosiguieron la so trayeutoria como actores cola comedia independiente "The Squid and the Whale" (2005).
Como datos interesaos podemos señalar que'l grupu "Fenix TX" dedicó-y un cantar y que'l creador de comics xaponés Izumi Matsumoto inspiróse na so imaxe pa crear el personaxe d'Ayukawa Madoka (Sabrina), perteneciente a la so serie "Kimagure Orange Road" (Johnny y los sos amigos).
Referencies
editar- ↑ Afirmao en: Gemeinsame Normdatei. Data de consulta: 9 abril 2014. Llingua de la obra o nome: alemán. Autor: Biblioteca Nacional d'Alemaña.
- ↑ Cohen, D. & S. Young and Famous: Hollywood's Newest Superstars, 1987. p.75. ISBN 0-671-63493-3
- ↑ ABC News (1 de xunu de 2006): Perfect Gifts, According to Phoebe Cates: Former Teen Starlet Owns Upper East Side Gift Store
Enllaces esternos
editar
Wikimedia Commons acueye conteníu multimedia sobre Phoebe Cates.- Phoebe Cates na Internet Movie Database (n'inglés)
- Phoebe Cates na Internet Broadway Database (n'inglés)
- Phoebe Cates n'AllMovie (n'inglés)
Datos: Q14439- Multimedia: Phoebe Cates
