Pie (unidá)

El pie ye una unidá de llonxitú d'orixe natural (basada nel pie humanu), yá utilizada poles civilizaciones antigües.

Pie
unidá de llonxitú y unidá de midida basada nel cuerpu

El pie romanu o pes, equivalía a 29,57 cm; el pie castellanu a 30,5 cm. Anguaño foi sustituyíu en cuasi tol mundu poles unidaes del Sistema Internacional (SI), sacantes nel usu corriente nos países anglosaxones.

Sistema anglosaxón

N'inglés la midida «pie» escríbese foot y pluralízase feet. La so abreviatura ye ft o ’ (comina simple).

Equivalencies:

1 ft = 12 pulgaes

1 ft = 30,48 centímetros

Anguaño'l pie utilízase namái nos sistemes de midida anglosaxones d'Estaos Xuníos y el Reinu Xuníu, anque tamién s'emplega n'aeronáutica, inda fuera de los mentaos países, pa espresar l'altitú d'aviones y otros vehículos aéreos.

Ye frecuente utilizalu pa llonxitúes d'hasta unos tres metros. Pa llonxitúes mayores suel emplegase la yarda o la milla.

Pie d'agrimensura

Pal acotamientu de tierres y costes, el Sistema Públicu d'Agrimensura de Tierres (d'Estaos Xuníos) utiliza una variedá nomada pie d'agrimensura, con una llonxitú equivalente a 30,4800609601219 centímetros.

Pie madereru

Na industria de la madera ye usual utilizar el pie madereru, tratándose nesti casu d'una unidá de volume. El so valor ye'l que correspuende a una pieza cuadrada d'un pie de llau y d'una pulgada d'espesor.

Enllaces esternos

• Wikimedia Commons acueye conteníu multimedia sobre Pie.

• Datos: Q3710
• Multimedia: Foot (unit)