Pinguicula grandiflora
La tiraña[1] (Pinguicula grandiflora) ye una planta insectívora de la familia Lentibulariaceae. Una carauterística distintiva de l'especie ye la so flor, que ye enforma mayor de lo normal pal xéneru. Vive en zones de clima templáu.
Pinguicula grandiflora tiraña  | ||
|---|---|---|
 | ||
| Clasificación científica | ||
| Reinu: | Plantae | |
| (ensin clasif.): | Eudicots | |
| (ensin clasif.): | Asterids | |
| Orde: | Lamiales | |
| Familia: | Lentibulariaceae | |
| Xéneru: | Pinguicula | |
| Especie: |
P. grandiflora Lam. | |
| Consultes | ||
| Royal Botanic Gardens, Kew | Royal Botanic Gardens, Kew | |
| World Flora Online | World Flora online | |
| [editar datos en Wikidata] | ||
Descripción editar
Magar que nun disponen d'un mecanismu de captura realmente activu, el so métodu de nutrición ye en parte del tipu carnívoru. Suelen tener ente 5 y 10 fueyes de 30 a 45 mm (3 y 4'5cm) de llargor. La planta ta formada per una roseta basal de fueyes pegañoses alrodiu les cuales alcuéntrense de cutiu pegaos pequeños inseutos. Nes fueyes tien dos tipos de glándules, unes que secreten la sutancia pegañosa y otres enzimes ácides pa dixirir les sos preses.
Del coral de la planta xurden na primavera un o más tarmos florales d'ente venti y venticinco centímetros de llargor. Tien flores violetes qu'espoxiguen d'abril a la fin del branu. Depués de la floraciónla planta entra en lletargu hasta la siguiente primavera.
Los sos raigaños son percurtios y débiles y solo tienen función d'asientu y absorción d'agua, pues toma'l nitróxenu de les sos víctimes y los carbohidratos pente medies de la fotosíntesis.
Anguaño usábase como antisépticu nes firíes del ganáu y la xente.
Hábitat editar
Xorrez sobre suelos probes en materia orgánica. Atópase nos pareos caliares rezumiantes y tamién nes llamuergues, en praos húmedos y en cantos de regueros y fontes.
Distribución editar
La tiraña vive nes zones de clima templáu per toa Europa (Península ibérica, Francia, Suiza, Irlanda), dende'l nivel del mar a los 2.000 m d'altitú. Orixinalmente nun s'alcontraba en Gran Bretaña pero foi introducía nunes poques zones d'Inglaterra y Gales.
Taxonomía editar
Pinguicula grandiflora foi nomada y descrita per Jean-Baptiste Lamarck , publicáu en Encycl. 3: 22 (1789)[2][3]
Nome común editar
Esta especie ye conocida nel dominiu llingüísticu asturlleonés col nome común tiraña[1].
Galería de semeyes editar
-
Pinguicola grandiflora nel monte oriental llionés. -
Ilustración d'una tiraña con tres flores.
Ver tamién editar
- Terminoloxía descriptiva de les plantes
- Cronoloxía de la botánica
- Historia de la Botánica
- Carauterístiques de les lentibulariáceas
Referencies editar
- ↑ 1,0 1,1 «Diccionariu de la Llingua Asturiana» (asturianu) (15 avientu 2000). Consultáu'l 26 febreru 2024.
- ↑ «Pinguicula grandiflora». Tropicos.org. Missouri Botanical Garden. Consultáu'l 20 d'avientu de 2012.
- ↑ Pinguicula grandiflora en PlantList consultáu'l 20 d'avientu de 2012
Datos: Q523474
Multimedia: Pinguicula grandiflora
Especies: Pinguicula grandiflora
