Pluvialis apricaria
Les especies d'aves con nome común en llingua asturiana márquense como NOA. En casu contrariu, conséñase'l nome científicu.
El pollu tordu[1] (Pluvialis apricaria), tamién llamáu chiflón[2] ye un pollu o mazaricu de gran tamañu. La especie ye similar a los otros dos pollos: el pollu tordu americanu y el pollu tordu del Pacíficu, que son más pequeños, espodaos y con pates relativamente más llargues que'l pollu tordu. Les especies americanes tienen axiles grises y non blanques (el plumaxe namái ye visible mientres el vuelu).
Pluvialis apricaria pollu tordu  | ||
|---|---|---|
 | ||
| Estáu de caltenimientu | ||
 Esmolición menor (IUCN 3.1) | ||
| Clasificación científica | ||
| Reinu: | Animalia | |
| Filu: | Chordata | |
| Clas: | Aves | |
| Orde: | Charadriiformes | |
| Familia: | Charadriidae | |
| Xéneru: | Pluvialis | |
| Especie: |
P. apricaria (Linnaeus, 1758) | |
| Distribución | ||
 | ||
| Consultes | ||
| [editar datos en Wikidata] | ||
Descripción
editarLos pollos tordos miden una media de llargor de 26 a 29 cm. y pesen ente 150 y 220 g. El valumbu de les sos ales ye de 67 ó 76 cm. Mientres la dómina de cría los adultos tienen plumes doraes y negres na cabeza, el llombu y les ales. La cara y el pescuezu son negros y bordiaos de blancu, col pechu negru y la zona caudal escura. Les pates son negres. Pel hibiernu pierden el plumaxe negro y los pollos tordos amuesen una cara amarellentada y el pechu y el banduyu blancos.
Reproducción y hábitat
editar
El so hábitat de reproducción son los pandoriales y tundres del norte d'Europa y l'oeste d'Asia. Añeren nel suelu en terrenes secos. Son una especie migratoria, pasando l'iviernu nel sur d'Europa y el norte d'África. Alredor d'unos 500.000 exemplares iviernen n'Irlanda y Gran Bretaña. Anque ye una especie común, la so población amenorgóse nos últimos tiempos por cuenta de la destrucción del so hábitat. Por casu, mientres el sieglu XIX sumió de Polonia, onde añeraba, y anguaño namái apaez mientres l'iviernu; la población d'Europa Central aparentemente quedó aisllada dempués de la postrera Era Glacial. (Tomek & Bocheński, 2005).
Alimentación
editarEstes aves aliméntense nes tundres, campos, sableres y marismes, de normal atrapando'l so alimentu por aciu la vista. Aliméntense principalmente de pequeños inseutos, crustáceos y otros invertebraos, anque tamién comen bagues.
Proteición
editarEl pollu tordu ye una de les especies a les que s'aplica l'Alcuerdu de Caltenimientu d'Aves Acuátiques Migratories d'África y Europa.
Subespecies
editar- Pluvialis apricaria altifrons
- Pluvialis apricaria apricaria
Referencies
editar- ↑ URL de la referencia: http://www.sabencia.net/nomenclator.php.
- ↑ El Diccionario General de la Lengua Asturiana tien una definición pa chiflón.
Enllaces esternos
editar
Wikimedia Commons tien conteníu multimedia tocante a Pluvialis apricaria.- BirdLife International (2004). Pluvialis apricaria. 2006 Llista Roxa d'Especies Amenazaes IUCN. IUCN 2006. Consultáu'l 11 May 2006. Database entry includes justification for why this species is of least concern.
- Tomek, T. & Bocheński, Z. (2005). Weichselian and Holocene bird remains from Komarowa Cave, Central Poland. Acta Zoologica Cracoviensia, 48A(1-2), 43-65. PDF fulltext
| Wikispecies tien un artículu sobre Pluvialis apricaria. |
Datos: Q21148- Multimedia: Pluvialis apricaria
Especies: Pluvialis apricaria
